Бүгүн, тохсунньу 31 күнүгэр   "Алгыс" норуот айымньытын киинигэр Д. Ф. Алексеев аатынан 1 - Хомустаах орто оскуолатын  үрдүкү кылаас оҕолоро уонна араас үөрэх кыһатыгар үөрэнэ сылдьар нэһилиэкпит устудьуоннара кыттыылаах

"Мин кэлэр кэм устудьуонабын"  тэрээһин ыытылынна. Ыччаттарбыт бэйэлэригэр сөптөөх идэни талан, сөбүлүүр үөрэхтэригэр үөрэнэн, киэҥ билиилээх үтүө үлэһит  буола үүнэллэригэр бүгүҥҥү тэрээһиммит төһүү күүс, көмө - тирэх буолар сыаллаах-соруктаах.

 

 

Ахсынньы 17 күнүгэр "Алгыс" норуот айымньытын киинигэр дьоһун бэлиэ күн бэлиэтэннэ.Ол курдук,   Яна Петровна  Ядреева   "Нам улууһун маастара" бэлиэни  тутар айар түһүлгэтэ түстэннэ.

 

Ахсынньы 19 күнүгэр "Алгыс" норуот айымньытын киинигэр Улуу Кыайыы 80 сылын түмүктүүр тэрээһин ыытылынна. Тэрээһин тэрилтэлэр кыттыылаах "Хайыһар" ырыанан саҕаланна. "Хомустаах Бастакы нэһилиэгэ" Тыа сирин түөлбэтин баһылыга  сыл устата Кыайыы 80 сылыгар анаммыт тэрээһиннэргэ көхтөөх кыттыыны ылбыт тэрилтэлэри махтал суругунан бэлиэтээтэ.

 Ахсынньы 6 күнүгэр Хомустаах Бастакы нэһилиэгэр "Алгыс" НАК сыл ахсын ыытыллар, СӨ култууратын туйгуна Анастасия Барашкова бырайыага "Хаарчаана Куо"  күрэх, үрдүк таһымнаахтык ааста. 

Кыһын Саха сириттэн саҕаланар ... Бүгүн Өрөспүүбүлүкэ үрдүнэн бастакынан Саҥа дьыллааҕы харыйа уоттара сандаардылар. Хомустаах Бастакы нэһилиэгэр  " Алгыс" НАК А. Н. Окоемов аатынан паркаҕа    Харыйабыт уоттарынан күлүмнүү умайда.Олохтоохторго эҕэрдэ тылы Тыа сирин түөлбэтин баһылыгы солбуйааччы А. Г. Захаров тириэртэ. Оҕолорго анаан остуоруйа көрдөрүлүннэ.

 

Сэтинньи 28 күнүгэр       "Олоҥхо айана" бырайыак М. К. Аммосов төрөөбүт түөлбэтигэр Хатырык нэһилиэгэр айанын тутта.

Күн-дьыл туран биэрэн, былыттаах сылаас, кыраһа хаардаан суол устун хоп - хойуутук үүммүт харыйа мастар олоҥхоһуттары үөрбүттүү лаглаһан көрүстүлэр.