Бүгүн, тохсунньу 31 күнүгэр "Алгыс" норуот айымньытын киинигэр Д. Ф. Алексеев аатынан 1 - Хомустаах орто оскуолатын үрдүкү кылаас оҕолоро уонна араас үөрэх кыһатыгар үөрэнэ сылдьар нэһилиэкпит устудьуоннара кыттыылаах
"Мин кэлэр кэм устудьуонабын" тэрээһин ыытылынна. Ыччаттарбыт бэйэлэригэр сөптөөх идэни талан, сөбүлүүр үөрэхтэригэр үөрэнэн, киэҥ билиилээх үтүө үлэһит буола үүнэллэригэр бүгүҥҥү тэрээһиммит төһүү күүс, көмө - тирэх буолар сыаллаах-соруктаах.
Устудьуоннартан кыттыыны ыллылар:
- Конникова Валерия, А. Д. Макарова аатынан Дьокуускайдааҕы культура уонна искусство колледжын үҥкүү салаатын 3 курсун устудьуона
- Анджела Дашиева, полиция младшай лейтенана, И. Ф. Шилов аатынан Хабаровскайдааҕы Дальневосточнай юридическай институт 4 курсун устудьуона.
- Владислав Мамаев, И. Е. Винокуров аатынан Намнааҕы педагогическай колледж физкультурнай салаатын устудьуона
- Вера Чичигинарова, Чурапчытааҕы физическай культура уонна спорт институтун 3 курсун устудьуона, СӨ масреслиҥҥа спорт маастара
- Артемий Ядреев, ХИФУ историческай факультетын 1-кы курсун устудьуона
Устудьуоннар бэйэлэрин туһунан билиһиннэрэн, үөрэх хаамыыта хайдах баран иһэрин, устудьуон олоҕо диэн хайдах буоларын, үөрэххэ хара маҥнайгыттан кыһаллан үөрэнэр ордугун кэпсээтилэр. Хас биирдии устудьуоҥҥа үөрэнээччилэр интириэһиргиир боппуруостары биэрэн, суолталаах эппиэттэри ылан астыннылар.
Бу кэннэ, үс хамаандаҕа арахсан " Кини кимий?" интеллектуальнай оонньууга көхтөөхтүк кытыннылар.
" Эрэл" эдэр ыччат түмсүүтүн салайааччыта Евдокия Терентьева, Анна Обутова маассабай оонньуулары тэрийдилэр. Хас биирдии кытта кэлбит оҕолор сэргэх оонньууларга киирэн астына оонньоотулар.
Тэрээһин ыытылларыгар күүс -көмө буолбут "Эйгэ" модельнай бибилиотекаҕа, "Эрэл" ыччат түмсүүтүгэр махталбытын биллэрэбит.
Комментариев нет:
Отправить комментарий