Нематериальное культурное наследие

ОЛОҤХО

    Олоҥхо- улуу айымньы. Саха норуотун олорбут оло5о, охсуспут охсуһуута, кини өйө-санаата, сырдыкка тардыспыт ба5ата- бука барыта олоҥхо5о түмүллэр. Ол иһин олоҥхо сүүһүнэн ахсааннаах үгүс дьыллар халыҥ хаардарыгар саптаран, хараҥа күннэригэр күлүктэнэн, сүппэккэ-симэлийбэккэ баччааҥҥа дылы тиийэн кэллэ5э…2005 сыл сэтинньи 25 күнүгэр ЮНЕСКО саха олоҥхотун киһи-аймах тылынан уонна өйүнэн айбыт култуурунай нэһилиэстибэтин чулуу айымньытынан биллэрбитэ.

     Биһиги нэһилиэкпитигэр олоҥхо эйгэтэ балачча сайдыбыт түөлбэтэ буолар. Ол курдук, урукку кэмнэргэ олоҥхоһут, алгысчыт, тойуксут, педагог, СР Культуратын туйгуна Орлова Яна Петровна салайыытынан олоҥхону үөрэтии утумнаахтык са5аламмыта. «Сайдыы»  о5о айымньытын дьиэтин иһинэн үлэлиир «Умсул5ан» фольклорнай студия о5олоро элбэх улуустаа5ы да, өрөспүүбүлүкэтээ5и да олоҥхо күрэхтэригэр ситиһиилээхтик кыттыбыттара. Эдэр талааннаах кыыспыт Яна Аргунова эмиэ бу студияттан кынаттанан тахсан, билигин  биир бастыҥ олонхоһут буолар. Биирдиилээн  толорооччулар Соловьев Ф.А., Кривошапкин М.М. эмиэ улууска биллибит олонхоһуттар буолаллар.

   Билиҥҥи кэмнэ «Алгыс» норуот айымньытын киинин иһинэн Руфова Елена Игнатьевна салайааччылаах «Алгыс» олонхоһуттар түмсүүлэрэ тэриллэн таһаарыылаахтык үлэлии-хамсыы олорор. Бу түмсүүгэ хас биирдиилэрэ олоххо ураты көрүүлээх, айымньылаах, талааннаах дьон мустан дьарыктаналлар, үгүс элбэх ситиһиини, кыайыыны ситистилэр.  

    Ол курдук, Аргунова А.Д.- «Сайдыы» О5о Айымньытын дьиэтин иһинэн үлэлиир «Умсул5ан» фольклорнай студия салайааччыта, маастар-педагог, хомусчут.

Аргунова Я.П.- элбэх международнай, өрөспүүбүлүкэтээ5и олоҥхо, тойук күрэхтэрин кыайыылаа5а, лауреата.

Николаева И.Н.- талааннаах тойуксут, элбэх республикатаа5ы, улуустаа5ы фольклор курэхтэрин кыайыылаа5а, лауреата.

Татаринов А.М.- РФ Үөрэ5ириитин туйгуна, «Саха-Азия о5олоро» фонд стипендиата, мелодист, хоһоонньут, мас, тимир ууһа.

Николаева Н.А.- Айыы түһүлгэтин дьөһүөлдьүтэ, уйул5аһыт, алгысчыт, логопед, этнопедагог.

Тумусова С.П.- « Алгыс» норуот айымньытын дьиэтин вокалга специалиьбһа, «Сарыада» вокальнай коллектив салайааччыта.

Максимова М.В.- Д.Ф.Алексеев аат.орто оскуола5а музыка учуутала, О5о Искусствотын оскуолатын вокалга преподавателэ, «Алгыс» норуот айымньытын аккомпаниатора, «Татыйык» вокальнай  коллектив салайааччыта.

Аргунов П.Д – «Намкоммунтеплоэнерго» тэрилтэ газооператора, уус-уран самодеятельность көхтөөх кыттыылаа5а. Ону таһынан эдэрдэр Нюргуяна Азарова, Сардаана Коврова, Урсун Винокуров уонна оскуола о5олоро Саша Рязанскай, Витя Николаев улуустаа5ы олоҥхо күрэхтэригэр ситиһиилээхтик кыттан нэһилиэктэрин чиэһин көмүскээбиттэрэ.

"Олонхо тойуктарын толоруу" курэх кылаан кыайыылаахтара.
 Мэнэ -Ханалас улууьа, Аллаараа Бэстээх. (2019 с.)

"ХII - Республикатаа5ы Олонхо ыьыа5а Ытык Нам сиригэр"
олонхону боло5унэн толорууга Гран-при кыайыылаахтара(2019) 

"Уруйдан Улуу Олонхо" республикатаа5ы фестиваль
3 ст. лауреаттара  ( Дьокуускай к., 2019)  

Улуустаа5ы уус- уран самодеятельноьы коруу  фестивальнай кэнсиэрэ.
"Бастын олонхо" анал аат
(Нам, 2016 с.)