Ахсынньы 17 күнүгэр "Алгыс" норуот айымньытын киинигэр дьоһун бэлиэ күн бэлиэтэннэ.Ол курдук, Яна Петровна Ядреева "Нам улууһун маастара" бэлиэни тутар айар түһүлгэтэ түстэннэ.
Бу дьоро күн көрөөччүлэр үрдүк сыанаттан Яна Петровна тикпит араас эгэлгэ сахалыы таҥас көстүүтүн дуоһуйа көрдүбүт. Кини бастакы бууктаах сонун 1997 сыллаахха тикпитэ . Бүгүҥҥү күҥнэ бэйэтин нэһилиэгэр, улууска, республика 23 улууһугар уопсайа 300 - тэн тахса бууктаах сону тигэн дьон хайҕалын ылыан ылар.
Яна Петровна 2001 с. "Алгыс" норуот айымньытын киинигэр директорынан үлэлиир кэмигэр "Аал Луук мас" проект программа суруйан нэһилиэк түөлбэнэн үлэтин сөргүппүттэрэ, фольклору сайыннарар санааттан элбэх хабааннаах фестиваллары, күрэхтэри ыыппыттара, сахалыы таҥас тигиитинэн күүскэ үлүһүйбүтэ.
Ити сылтан саҕалаан өбүгэ таҥаһын сөргүтүүгэ анаммыт быыстапкаларга, күрэстэргэ кыттыбыта. А. Окоемов аат. "Мичээр" үҥкүү народнай аҥсаамбылыгар Яна Петровна үҥкүү таҥаһыгар эскизтары оҥорбута, тикпитэ. "Сайдыы" оҕо айымньытын дьиэтин иһинэн " Умсулҕан" фольклорнай студияны тэрийэн үлэлэппитэ, оҕолору тойукка, чабырҕахха, дэгэрэҥ ырыаҕа, оһуохайга, олоҥхоҕо, хомус тардыытыгар угуйбута.
Тэрээһиҥҥэ СР культууратын туйгуна, иитиллээчитэ Яна Нюргусова, СР үтүөлээх артыыһа Варя Аманатова, РФ үтүөлээх артыыһа, СР народнай артыыһа Дмитрий Артемьев, СР култууратын туйгуна Афанасий Татаринов ыалдьыттаатылар.
Яна Петровна айар үлэтигэр рингтон үрдүк ситиһиини, саҥаттан саҥа үлэлэри айан, тигэн, илиитин араарбакка иистэнэ турдун диэн баҕа санаа бастыҥын аныыбыт.
Комментариев нет:
Отправить комментарий