2026 сыл Арассыыйа норуоттарын сомоҕолоhууларын, Саха сиригэр култуура уонна хоһоонньут, ССРС суруйааччыларын Союзтарын чилиэнэ, " Отуу уота" литературнай түмсүү тэрийээччитэ Н. М. Рыкунов төрөөбүтэ 90 сылынан култуура үлэһиттэрин икки ардыларыгар улуустааҕы "Призвание - творить" күрэх ыытылынна. Күрэххэ үс нэһилиэк кулууптарын 5-тии үлэһиттээх хамаандата 5 түһүмэххэ күөн көрүстүлэр.
Кыттыыны ыллылар: Хамаҕатта нэһилиэгин "Түһүлгэ" норуот айымньытын киинэ (директор А.А.Харитонова), Партизан нэһилиэгин Д. И. Кривошапкин аат. "Хомус" фольклор дьиэтэ (директор С. Г. Алексеев), 1 -Хомустаах нэһилиэгин "Алгыс" норуот айымньытын киинэ (директор А. Г. Мылаханова). "Алгыс" НАК аатыттан кыттыыны ыллылар: Елена Руфова, Нарыйа Уодай,Сардаана Тумусова, Лена Корякина, Ариан Вырдылин.
Хас биирдии хамаанда үлэлиир коллективтарын үлэтин көрөөччүлэр биһирэбиллэригэр таһаарда. Ол курдук, кыттааччыттан сценическай тас көстүү, оонньуур оруолун арыйан көрдөрүү буолла.Бастакынан - поэт Н. М. Рыкунов төрөөбүтэ 90 сылынан "Ходуһа ырыаһыта" литературнай монтаж турда. "Алгыс" НАК ырыа аргыстаах от үлэтин кэмин хоһоонунан хоһуйан көрдөрдүлэр.Иккиһинэн - хамаанда бары кыттыылаах, кэлэн иһэр Ийэлэр күннэринэн эҕэрдэлээн "Ийэҕэ" диэн ырыаны толордулар.Үсүһүнэн - быйыл Арассыыйаҕа Сомоҕолоhуу сылынан бөлөҕүнэн толорууга "Норуоттар доҕордоһуулара" үҥкүүнү көрдөрдүлэр, туруорда Н. Уодай. Төрдүһүнэн - хамаандалар тутатына миэстэтигэр бэриллибит сорудаҕынан 7 мүнүүтэ иһигэр "Үс кут - бөҕө турук" бырайыагы оҥорон көмүскээтилэр.
Күрэх түмүгүн таһаарарга үлэлээтилэр : Улуустааҕы култуура үлэһиттэрин идэлээх сойууһун бэрэссэдээтэлэ А. А. Парникова, Улуустааҕы култуура уонна духуобунай сайдыы салалтатын специалистара А. Е. Николаева, С. А. Орлова.
Түмүккэ муҥутуур кыайыылаҕынан таҕыстылар - Хамаҕатта нэһилиэгин " Түһүлгэ" НАК, Протопоповтар дьиэ кэргэн туруорбут "Кустаах" сынньалаҥ базатыгар сертификат бэлэх туттулар,иккис миэстэ - "Алгыс" НАК, үһүс миэстэ - "Хомус" ФДь.
Үөрүүлээх быһыыга-майгыга директор А. Г. Мылаханова, коллективпыт профсоюһа Р. С. Барашкова коллектив кыттааччытыгар сэмэй бэлэх уонна махтал сурук туттардылар.
Бу курдук бэрт көхтөөх, бэһиэлэй күрэх буолан ааста, хас биирдии кыттааччыга саҥаны көрүү, бэйэ бэйэни кытта чугастык алтыһыы, айымньылаах үлэ хаамыытыгар саҥа кирбиилэри арыйыы буолла. Инникитин маннык тэрээһиннэр өссө да буола туралларыгар, кыттааччы элбииригэр баҕара хаалабыт.
Комментариев нет:
Отправить комментарий