Нам улууһун Таастаах нэһилиэгэ төрүттэммитэ 180, сөргүтүллүбүтэ 40 сылларыгар анаммыт өрөспүүбүлүкэтээҕи "Ала ууһун ыһыаҕа" от ыйын 10- 11 күннэригэр ыытылынна.
.webp)
Ыһыахха Ала ууһун нэһилиэктэрэ - Нам улууһун Таастаах, Бастакы Хомустаах, Партизан, Салбаҥ , Горнай улууһун Маҕарас, Атамай нэһилиэктэрэ кыттыыны ыллылар.
Бастакы Хомустаахтан ыһыах аһыллыытын туомугар А.Окоемов аат. "Мичээр" , "Күнчээн" үҥкүү ансаамбыллара, нэһилиэктэр холбоһуктаах эҕэрдэ кэнсиэргэ Марина Охлопкова кытыннылар.
.webp)
Дьиэ кэргэнинэн "Саха талба, мааны таҥаһа" сахалыы таҥас күрэҕэр 10 кыттааччы ыалтан Варвара Степановна, Леонид Иннокентьевич Олесовтар дьиэ кэргэн 3 бириистээх миэстэни ыллылар.
.webp)
.webp)
"Ала ууһун айдарыылаах уран тарбахтаахтара" уус -уран оҥоһуктары көрүү күрэҕин быыстапкатыгар Варвара Дмитриевна Баишева, Иван Иванович Попов кыргыттарынаан Тотонова Мария Александровналыын, Винокурова Айыына Ивановналыын уус- уран оҥоһуктарынан кыайыыны ситистилэр.
.webp)
.webp)
"Дьоҕур - Күүс- Кэрэ" күөн күрэскэ бэйэни билиһиннэрии, талаана көрдөрүү, ох саанан ытыы, сүүрүү, аныгылыы моһуоннаах сахалыы таҥаһы көрдөрүү түһүмэхтэрин ааһан Алена Громова 2 бириистээх миэстэҕэ тахсан булчут, тыыл бэтэрээнэ, "Хардыы" совхоз бэрэссэдээтэлинэн үлэлээбит Хаамар Ыстапаан - Степан Васильевич Афанасьев дьиэ кэргэнэ, аймахтара олохтообут уу харчынан бириистэрин, ону сэргэ Хаамар Ыстапаан сиэнэ Хаамар Лариана чочуйбут мас чороонун бэлэх тутта.
.webp)
Күрэх кыайыылаахтарыгар итии - истиҥ эҕэрдэ, Бастакы Хомустаах делегациятын кыттыылаахтарыгар махтал !
.webp)
Комментариев нет:
Отправить комментарий