От ыйын 4-5 күннэригэр, Yс өрүс тардыылаах, уу чалгый куттаах - Саха сирин тэбэр сүрэҕэр, Кэбээйи улууһугар Олоҥхо ыһыа5а үрдүк таһымнаахтык ыытылынна.
1- Хомустаах нэһилиэгиттэн Олоҥхо ыһыа5ын күрэхтэригэр биир дойдулаахтарбыт ситиһиилээхтик кытыннылар . Ол курдук , олоҥхону толорооччулар өрөспүүбүлүкэтээҕи күөн күрэстэригэр Елена Игнатьевна Руфова III үрдэл буолан 30 000 солк. сэртипикээтинэн наҕараадаланна.
Мирабелла Ивановна Ядреева "Тэтимнээх толорооччу" анал аат ылары ситиhэн, маны сэргэ "Киристэпиэл кэрэхсэлэ" күөн күрэскэ дэгэрэҥ ырыаны биирдиилээн толорооччуларга кыттыыны ылан 5000 солк. сэртипикээттэринэн наҕараадаланна.
Норуот уус-уран оҥоһуктарын " Иис-уус дьарыга- үйэлэр кистэлэҥнэрэ" күөн-күрэскэ туостан оҥоһукка Мария Ивановна Рожина "Өбүгэ ситимин тутуһуу" анал ааты ылан , Ирина Ефимовна Москвитина "Саар ыа5ас" анал ааты ылан 5000 солк. сэртипикээттэринэн наҕараадаланнылар.
Добун түһүлгэҕэ, өрөспүүбүлүкэтээҕи Олоҥхо ыһыаҕар Нам улууһун, 1-Хомустаах нэһилиэгин аатын ааттаппыт талба-талааннаах дьоммутун өрөгөйдөөх ситиһиилэринэн итиитик- истиҥник эҕэрдэлээн туран өссө үрдүк үрдэллэри дабайалларыгар, айар аартыктара арылла турарыгар баҕарабыт!
Комментариев нет:
Отправить комментарий