МБУ ЦНТ "Алгыс" с. Кысыл- Сыр, Намского улуса

 Ыам ыйын 18 күнэ - Аан дойду үрдүнэн түмэл күнэ. Бу күн түмэл сүбэтин көҕүлээһининэн 1977 сыллаахтан  олохтоммута. Култуура уонна уопсастыба сайдыытыгар, устуоруйа кэрчиктэрин үйэтитэргэ кэнэҕэс көлүөнэҕэ тиэрдэргэ түмэллэр дьоһун кылааты киллэрэллэр. 

   

Бүгүн биһиги төрөөбүт түөлбэбитигэр , "Алгыс" НАК  нэһилиэк историятын сырдатар  түмэл сөргүтүллэригэр марафон - акция ыытылынна. Кыттыыны ыллылар нэһилиэк тэрилтэлэрэ, общественнай түмсүүлэр, түөлбэ олохтоохторо, биир дойдулаахтарбыт. Билиҥҥи туругунан 180 400 солк. марафонна киирдэ,  аныгы үйэ сиэринэн  электроннай көрүҥүнэн көмө киирэ турар.  Бэлиэтиэҕи баҕарыллар "Саһарҕа" түөлбэни ( сал. Нь.Р.Сысолятина), 50 тыһыынча солкуобайы    туттардылар. Бу курдук түмэл тэриллэригэр биир санааны ылынан,  кылааттарын  киллэрбит нэһилиэкпит бары олохтоохторугар, биир дойдулаахтарбытыгар анал хамыыһыйа аатыттан махталбытын биллэрэбит. Саҕаламмыт ситиэхтээх, сиппит сайда туруохтаах ! Норуот күүһэ - көмүөл күүһэ!