МБУ ЦНТ "Алгыс" с. Кысыл- Сыр, Намского улуса

     Бүгүн ыам ыйын 12 күнүгэр олоҥхону үгэс быһыытынан толорууга үөрэтэр улуустааҕы семинар  фольклор  уһуйааччыларыгар, олоҥхону интэриэһиргиир ыччаттарга, оҕолорго анаан икки былаһаакканан үлэтин саҕалаата. Үөрэҕи ыыталлар СӨ үтүөлээх учуутала, уран тыл маастара, уһуйааччы, Сунтаар улууһун Ытык киһитэ, СӨ Ил Дарханын стипендиата, олоҥхону толорооччу Никандр Прокопьевич Тимофеев, олоҥхо Тыйаатырын артыыһа, Олоҥхо Ыһыаҕын Кылаан кыайыылааҕа,СӨ култууратын туйгуна Нюргусова Яна Петровна, олоҥхо Киинин фольклорга сүрүннүүр специалиһа, СӨ култууратын үтүөлээх үлэһитэ Зоя Григорьевна Сысолятина.  

 Уһуйуллааччылар (улахан дьон) "Олоҥхоҕо уһуйуу сүрүн тутуллара" тиэмэнэн Никандр Тимофеевка үөрэниэхтэрэ, оҕолор  "Олоҥхону толоруу уратылара. Дорҕоону таһаарыыга, тыыныыга, туойууга үөрэтии" тиэмэнэн  Яна Нюргусоваҕа.   Эбиэт кэнниттэн Яна Нюргусова толоруутугар олоҥхо истиэхтэрэ. Тэрээһини сүрүннүүр улуустааҕы култуура уонна духуобунай сайдыы салалтата.