Саха киһитэ оҕуһугар олордо да ырыаһыт диэн мээнэҕэ этиллибэт. Ол курдук, Саха Сиригэр 2013 сылтан Ырыа күнэ бэлиэтэнэр. Ырыа олоҕу кытта тэҥҥэ сайда турар норуот тыына, сомоҕолуур күүс, олох дьүөрэтэ уонна доҕуһуола.
.webp)
Бу күн "Алгыс" норуот айымньытын киинэ тэрээйиитинэн , ырыа куттаах араас көлүөнэ дьон төрөөбүт дойдуга, олоххо тапталы хоһуйар ырыаны нэһилиэнньэҕэ бэлэх ууннулар, аһаҕас халлаан анныгар ырыа дьиэрэйдэ. Бу курдук ис киирбэх, истиҥ кэҥсиэри бэлэхтээбит Роман Леонтьевка, Татьяна Стручковаҕа, Игнатий, Сардаана Поповтарга, Федот Алексеевка, Надежда Васильеваҕа, Людмила Поповаҕа, Анастасия Барашковаҕа уонна Хатыҥ-Арыы нэһилиэгиттэн кэлэн авторскай ырыаларын бэлэхтээбит Леонид Чупровка махталбытын тиэрдэбит.
.webp)
Нукуолун — саха киһитигэр саамай үөрүүлээх, күүтүүлээх күн. Бу күн сайыҥҥы дьылга үктэнэн, сайыҥҥы олохпут кэрчигэр, саҥа олоҕу түстүүбүт. Ньукуолуну хайдах көрсөрбүтүттэн бүтүн сайыммыт, олохпут туруга тутулуктаах диэн саха дьоно итэҕэйэр.
.webp)
Ол курдук, Ньукуолуну кытта дьүөрэлии Д. Ф. Алексеев аатынан орто оскуола 11 кылааһын үөрэнээччилэригэр анаан олох киэҥ аартыгар үктэнэр кэрэ кэмнэринэн сиэр - туом ыытылынна. Оҕолор боҕуруоскай от унаар буруотунан ыраастанан, олох суолугар эрэллээхтик үктэнэллэригэр алгыс тыллара этилиннилэр. Кылаас салайааччыта, төрөппүттэр оҕолоругар ситиһиини баҕардылар. Ньукуолун күнүнэн төрөппүттэр оҕолорун алаадьылаах саламаатынан күндүлээтилэр.
.webp)
Комментариев нет:
Отправить комментарий