МБУ ЦНТ "Алгыс" с. Кысыл- Сыр, Намского улуса

  Киһиэхэ үтүө сыһыан, сылаас  болҕомто хаһан баҕарар күндү. Күннэтэ көрсүспэт дьон  мустан,   тула олорон сэппэн- сэһэн, сэһэргэһии  баар буоллаҕына киһи барахсан соҕотохсуйбат...

Кулун тутар 11 күнэ - бу күн "Түмсүү"  балаҕаҥҥа маанылаах остуол тардыллан, ыалдьыттары үөрэ көрүстэ.Аҕам саастаах нэһилиэкпит дьоно тоҕуоруһа мустан сааскылыы сэргэхтик киэргэнэн, бэйэ бэйэлэрин уруйдуу көрсөн үөрүүлэрэ үгүс. Бэтэрээн Сэбиэтин бэрэссэдээтэлэ З. Е. Ощепкова хас биирдии кырдьаҕаска ийэлии истиҥник сыһыаннаһан,  кыһалҕаларын быһаарсан өр сылларга эҥкилэ суох үлэлиир.  Бу күн араас оонньуулар, күрэхтэр буоллулар. Ол курдук, икки дьиэтээҕи сорудах бэриллэн кыттааччылар дьиэлэриттэн чайнай сервиз күрэҕэ - " Чайная пара" уонна былааттан оҥоһук " Мой любимый платок".

"Чайнай пара" күрэххэ 6 кыттааччы бэйэтин сэрбииһин туһунан историятын, хантан ылбытын билиһиннэрдэ. Түмүккэ,

1️⃣ - Г. Г. Алексеева, 2️⃣ - З. Е.Ощепкова, 3️⃣ - А. С. Муксунова уонна А. И. Колесова, М. Е. Новгородова, Л.Н. Атласова кыттыыны ыллылар."Мой любимый платок" күрэххэ 4 кыттааччы күөн көрүстэ:

1️⃣ - В.И. Кривошапкина

2️⃣- Т. Ф. Лаврентьева

3️⃣ - И. Н. Барашкова 

уонна  Л. Н.Атласова

Бырааһынньык бэрт сэргэхтик, өрө көтөҕүллүүлээхтик ааста. Үбүлүөйдээх саастаах дьоммутун бу күн нэһилиэк депутаттарын сэбиэтин председателэ Ю.А.Николаев эҕэрдэлээтэ, маны сэргэ  Д.Ф.Алексеев аатынан орто оскуола коллективын аатыттан педагогическай үлэ ветераннара В.И.Кривошапкинаны, Ф.И.Новгородовы бэлиэ күннэринэн эҕэрдэлээтилэр.