- "Алгыс" Норуот Айымньытын Киинэ өрөспүүбүлүкэҕэ бастыҥ үлэлээх култуура киииннэрин ахсааннарыгар киирэн, "Государственная поддержка лучших сельских учреждений культуры" субсидия кыайыылааҕынан таҕыста. Бу ситиһиинэн нэһилиэкпит бар дьонун эҕэрдэлиибит, күүс - көмө буоларгыт иһин махталбытын биллэрэбит.
- А.Н.Окоемов аатынан "Мичээр" үҥкүү норуодунай ансаамбыла "норуодунай" аатын кулун тутар 14 күнүгэр "бигэргэттэ". Ансаамбылга салайааччынан хореограф идэлээх эдэр специалист Константин Борисов үлэлиир. Администратор Нюргуяна Ошепкова, репетитор- хореограф Алена Охлопкова, костюмер Алена Кривошапкина үлэлииллэр. Хамыыһыйа иннигэр ансаамбыл репертуарыттан 6, кэнники икки сыл иһигэр туруоруллубут 7 үҥкүү көрдөрүлүннэ. Хамыыһыйа эдэр үлэһит үлэтин сэҥээрдэ, ансаамбыл ураты буочарын инникитин да5аны илдьэ сылдьалларыгар сүбэлээтэ.
- Кулун тутар 20 күнүгэр Ньурбатааҕы судаарыстыбыннай көһө сылдьар драматическай тыйаатыр оҕолорго С.Козлов "Тили- милитрямдия" остуоруйаны, А.Балакаев айымньытынан "Ийэ сүрэҕэ" испиктээги көрдөрөн көрөөччү сэҥээритин ыллылар. Артыыстар "Чэйиҥ эрэ" быһа биэриигэ кыттыыны ыллылар.
Комментариев нет:
Отправить комментарий