- Балаҕан ыйын 15 күнүгэр Бүтүн Россиятааҕы "Вместе- мы Россия" фестиваль кыттыылаахтарын Нам улууһун кыраныыссатыгар Бастакы Хомустаах нэһилиэгэ чиэстээхтик көрүстэ. Кэлбит ыалдьыттар Ирина Николаева доллоһутар тойугун сэргии иһиттилэр, Далбар Хотуттар арыылаах алаадьынан, үрүҥ илгэнэн күндүлээтилэр.
- Салгыы улуус киинигэр , М.К.Аммосов аат. культура дыбарыаһыгар Россия араас муннуктарыттан кэлбит айар коллективтар кэнсиэрдэрэ тэрилиннэ, манна нэһилиэкпититтэн А.Окоемов аат."Мичээр" ҮНА ыччатын бөлөҕө "Сардаана" үҥкүүнэн кыттыыны ылла.
- Маны сэргэ нэһилиэкпититтэн "Туосчаан" түмсүү кыттыылаахтара Валентина Баишева, Ирина Москвитина уонна Валентина Яковлева , Иван Попов уус-уран оҥоһук быыстапкатыгар кыттыннылар.
- Инновационнай бырайыактары көрүү тэрээһинигэр "Алгыс" НАК специалиһа Колесов А.В. "Виртуальная энциклопедия" бырайыагынан ситиһиилээхтик кыттыыны ылла.
- Бу күн Хамаҕатта нэһилиэгэр ыытыллыбыт "ХАТЫҤЧААН" звукостудия тэрийээччитэ, салайааччыта, социальнай-культурнай үлэ уонна норуот айымньытын уобаластарыгар бастыҥ новаторскай үлэ гранын кыайыылааҕа, СӨ культуратын туйгуна ГАВРИЛ МАЛЬЦЕВ өр сыллаах айар үлэтин бэлиэтиир, үгэскэ кубулуйбут "КӨМҮС ТҮҮН» ырыа-музыка түһүлгэтигэр биһиги нэһилиэкпититтэн "Хатыҥчаан" звукостудияны кытта бииргэ үлэлэспит Александр Окоемов, Сергей Куличкин дьон- сэргэ сэҥээриитин ылбыт ырыалара ВИА доҕуһуолунан ылланнылар.
Комментариев нет:
Отправить комментарий