МБУ ЦНТ "Алгыс" с. Кысыл- Сыр, Намского улуса

  

БАСТАКЫ ХОМУСТААХ ЫҺЫАҔА

Бэс ыйын  15 күнүгэр Россияҕа Дьиэ кэргэн, СР Оҕо саас, Нам улууһугар уонна нэһилиэкпитигэр Оҕо спордун сылларыгар аналлаах   "Айыыһыт Хотуну уруйдуур Үрүҥ Тунах Ыһыах" ыытылынна. 

Ыһыах Аан аартыкка ыалдьыттары көрсүүттэн саҕаланна. Үрүҥ салама тулалаах хахыйах анньыллыбыт түһүлгэҕэ Ыһыаҕы арыйар сиэр-туом түстэннэ. Нэһилиэк баһылыга Василий Гаврильевич  Жиркову Д. Ф. Алексеев аатынан 1-Хомустаах орто оскуолатын быйылгы Выпускниктара уонна оскуола боруогун атыллыыр кырачаан оҕолор учууталларын кытта арыаллаан киирдилэр. Баһылык Ыһыах ыһыллар бэлиэтин Ытык Дуоҕаны нэһилиэгин дьонун-сэргэтин, ытык-мааны ыалдьыттарын эҕэрдэлээн туран туруорда, кымыс үрдүн охтордо. Ыҥырыылаах Алгысчыт-  Алексей  Кривогорницын-   үрдүк Айыыларга үҥэн-сүктэн алгыс сиэрин-туомун ыытта. 

Ыһыах үөрүүлээх чааһыгар баһылык нэһилиэкпит сайдарын туһугар кылааттарын киллэрбит, таһаарыылаах үлэлээх дьонун-сэргэтин наҕараадаларынан бэлиэтээтэ. Үрүҥ тунах ыһыах ыалдьыттара СР Ил түмэн Аграрнай Сис комитетын председателэ, "Хомустаах Бастакы" нэһилиэгин Ытык Киһитэ  Атласов А.П., "Нам улууһа" МТ аҕа баһылыгын үпкэ уонна экономикаҕа солбуйааччы Саввинова Е.П.  эҕэрдэлээтилэр.  "Айхаллан төрөөбүт дойдубут" айар талааннаах дьиэ кэргэттэр кыттыылаах эҕэрдэ кэнсиэр түһүлгэ дьонун түмэ тарта. Кыттыыны ыллыллар- Анастасия, Петр Агуновтар, Айыына , Егор Ощепковтар, Ангелина, Александра Сивцевалар, Сардаана, Игнатий Поповтар, Туяра, Күннэй, Артем Алексеевтар, Елизавета, Амелия Рязанскайдар, Татьяна, Авксентий Соловьевтар сиэн кыргыттарынаан.     Түһүлгэлээн олоруу кэмигэр "Уруу-аймах түһүлгэтэ" күрэххэ 1 миэстэни Баишевтар аймах, 2 миэстэни Жирковтар аймах, 3 миэстэни Лаврентьевтар аймах ыланнар сыаналаах бириистэринэн наҕараадаланнылар. Маны сэргэ , ыһыах ыалдьыттарыгар анаан саха эстрадатын талааннаах ырыаһыта Егор Степанов - Кылаан Кындыл кэнсиэрэ киин түһүлгэҕэ тэрилиннэ. 

"Сахам мааны талба таҥаһа" дьиэ кэргэнинэн уонна кэрэ аҥардарга сахалыы таҥас күрэҕэр:

1 миэстэ - Олесовтар дьиэ кэргэн

2 миэстэ - Охлопковтар дьиэ кэргэн

3 миэстэ - Даниловтар дьиэ кэргэн

1 миэстэ - Попова Л.Р.

2 миэстэ - Лаврентьева Т.Н.

3 миэстэ - Захарова М.Е.  ыллылар. Кыайыылаахтар биир дойдулаахпыт А.П.Атласов анал бирииһинэн, "Алаһа" бренд авторскай оҥоһуктарынан, "Көмүлүөк" фирма сервизтарынан биһирэннилэр. 

"Кыыс оҕо кэрэтэ - уһун суһуох" 3 түһүмэхтээх кыргыттарга күрэххэ:

8-10 саастаах кыргыттар

1 миэстэ - Петрова Сардаана

2 миэстэ - Петрова София

3 миэстэ - Попова Сахаяна

11-13 чаастаах кыргыттар

1 миэстэ - Архангельская Виктория

2 миэстэ - Орлова Сайыына

3 миэстэ - Слепцова Нарыйа  ыллылар. 

“Дьоллоох оҕо саас” оҕолор түһүлгэлэригэр  оонньуулары "Сайдыы" оҕо айымньытын дьиэтин коллектива тэрийдилэр.  "Ат бөҕө, кус быһый", «Тарбах тардыһыы» оҕолорго спортивнай күрэхтэри спорт дьиэтин коллектива ыыттылар. Ыһыах ыалдьыттарын "Өбүгэ оонньуута" спортивнай күрэх түһүлгэҕэ түмэ тарта,  тыҥааһыннаах киирсии кэнниттэн 1 миэстэ - Максим Охлопков (сүрүн бириис РегалМото мотоцикл, спонсор Пинигин А.С. "ООО Прогресс" тэрилтэ)  2 миэстэ -  Федот Колесов (бириис телевизор, спонсор Сивцев Н.Н.) 3 миэстэ -   Владик Мамаев (бириис бензопила Штиль, спонсор Алексеев Г.Д. ООО "Восток Капитал").  Ону сэргэ ИП  Румин А.О, Николаев М.В  ("Стройуниверсал" тэрилтэ) харчынан бириэмийэлэрэ, эттээх мүһэлэр, олохтоох дьаһалта уонна "Илгэ Хотун" кооперативтан  ньирэй,  ИП Олесов  Л.И туруорбут  велосипед бириистэрэ күрэх кыттааччыларыгар туттарылыннылар.

Бу  курдук Ыһыахпыт хас биирдиибит сүрэҕин үтүөнэн, тапталынан, үөрүүнэн угуттаан, Бастакы Хомустаахпыт дьоно-сэргэтэ, биир дойдулаахтарбыт, ытык- мааны ыалдьыттарбыт дуоһуйан, астынан тарҕастылар. 

 

УЛУУС ЫҺЫАҔАР СИТИҺИИЛЭР

 

Бэс ыйын 16 күнүгэр ыытыллыбыт улуус Үрүҥ тунах ыһыаҕар Дьиэ кэргэттэр кыттыылаах парадка 50 сыл бииргэ олорбут Марианна Ивановна, Михаил Павлович Ядреевтар, педагогическай династия  Акулина Ильинична, Семен Семенович Колесовтар, спортивнай дьиэ кэргэн Мария Николаевна, Николай Элляевич , кыыстара Намыына Николаевна кыттыыны ыллылар. «Алаас ырыата» норуот ырыатын күрэҕэр «Айар аартык» бөлөх (35 с. үөһэлэргэ) 1 үрдэл ( сал. Е.Руфова), биирдиилээннэргэ Елена Охлопкова 1 үрдэл, «Дьиэрэһий тойугум» күрэххэ 35 с. үөһээ Ирина   Николаева 2 үрдэл, оһуохай күрэҕэр Ирина Николаева 2 үрдэл,  «Алаас ырыата» күрэххэ Ирина Николаева 2 үрдэл буоллулар. Дьиэ кэргэнинэн сахалыы таҥас күрэҕэр Татариновтар дьиэ кэргэн кыайыылааҕынан таҕыстылар , ону  сэргэ Екатерина Алексеевна анал аат ылан бирииһинэн наҕараадаланна.

АЛГЫСТААХ АММА СИРИГЭР - ОЛОҤХО ЫҺЫАҔАР

Нэһилиэкпититтэн фольклор ,  иис-туос,   тимир уустарын  күрэстэригэр улуус делегациятыгар киирэн,  

дьоммут ситиһиилээхтик кыттыыны ылан кэллилэр.

  Олоҥхону бөлөҕүнэн толорууга  "Уһун тыыннаах олоҥхо" анал ааты

улуус олоҥхоһуттарын бөлөҕө ыллылар, биһигиттэн бөлөххө Елена Руфова кыттыыны ылла, ону сэргэ улахан дьоҥҥо олоҥхо толоруу күрэһигэр  дьүүллүүр сүбэттэн Махтал сурук тутта. Чабырҕах күрэҕэр  "Чугдаар" бөлөх дьон сэҥээриитин ылан сэргэхтик кыттына,  Ирина Николаева тойукка 3 үрдэл буолла. "Олоҥхо персонажтарын ырыата-тойуга» күөн күрэскэ бастакы миэстэни киэн туттар олоҥхоһуппут Яна Ньургусова ылла. "Төрүт туос» түмсүү (сал. В.Д Баишева)  «Бастыҥ ыаҕыйа» анал ааты тутта. Бу курдук дьоммут Ыһыах  түһүлгэтин күөн - күрэстэригэр кыттыыны ыланнар, нэһилиэктэрин аатын ааттатан кэллилэр.