МБУ ЦНТ "Алгыс" с. Кысыл- Сыр, Намского улуса

 

     Ахсынньы 10 күнүгэр талаан тыллар туонатыгар «Алгыс» Норуот Айымньытын Киинигэр «Эҕэрдэ эһиэхэ, дойдум дьоно!» культура эйгэтигэр үлэлиир, өр сылларга бииргэ үлэлээбит коллегаларбыт, айар куттаах биир дойдулаахтарбыт бэрт сэргэх эҕэрдэ кэнсиэри бэлэхтээтилэр.

Ол курдук, «Туймаада» Государственнай ырыа ансаамбыл солистката, СР Культуратын туйгуна  Туйаара Попова, Олоҥхо театрын артыыһа Яна Нюргусова, нэһилиэкпититтэн төрүттээх биир киэн туттар киһибит,  ырыа искусствотын өрө тута, сайыннара сылдьар ССРС култууратын туйгуна, Саха Республикатын култууратын Үтүөлээх үлэһитэ, Нам улууһун культууратын Бочуоттаах үлэһитэ, Нам улууһун Ытык киһитэ Елена Александровна Кутукова салайар “Нарыйаана” вокальный ансамбыла, Мария Попова салайааччылаах «Ньургуһун» үҥкүү народнай ансаамбыла, Ньургуйаана Сысолятина салайааччылаах «Күрүлгэн» эдэр ыччат түмсүүтэ, талааннаах биир дойдулаахтарбыт Лена Корякина, Мария Кельциева, Ольга Сивцева, Татьяна Егорова, Алексей Дьячковский, Сардаана Березкина, биир идэлээхтэрбит Александра Новгородова, Эдуара Сергеева, Геннадий Игнатьев. Кэнсиэри иилээн-саҕалаан ыытта «Мичээр» үҥкүү народнай ансаамбыл выпускнига А.Ф.Шестаков аатынан улуустааҕы Норуот Айымньытын Дьиэтин специалиһа Мария Петрова.

        Хомустаах бастакы нэһилиэгэ модун санаалаах үлэһит, айар талааннаах дьонунан-сэргэтинэн биллэр. Улуус, республика, Россия, Аан дойду таһымыгар тиийэ сураҕырбыт, дойдубутун ааттаппыт, айа-тута, таһаарыылаахтык үлэлии сылдьар  дьонноохпут диэн киэн туттабыт!