Нэһилиэккэ култуура киинэ арыллыбыта 55, таас кулууп үлэҕэ киирбитэ 35 сылынан ыытыллар Үбүлүөйдээх тэрээһиннэр чэрчитинэн ахсынньы 8 күнүгэр "Алгыс" Норуот Айымньытын киинин фольклорга специалиһа, СР Култууратын туйгуна Елена Руфова "Оло5ум оһуор тойуга" үбүлүөйдээх айар түһүлгэтэ үрдүк таһымнаахтык ыытылынна.
Күөх буруонан ыраастанан, арчылананан, арыылаах алаадьынан күндүлэнэн, алгыс ырыатынан аһыллыбыт истиҥ-иһирэх киэһэни 2019 с. Нам улууһугар ыытыллыбыт Өрөспүүбүлүкэтээҕи Олоҥхо ыһыаҕын бөлөҕүнэн олоҥхо күрэ5ин Кылаан Кыайыылаахтара, 2021 с. Өлүөхүмэ5э Олоҥхо ыһыаҕын бөлөҕүнэн толорууга 3-с степеннээх лауреаттара, 2022 с. Үөһээ-Бүлүүгэ ыытыллыбыт Олоҥхо Ыһыаҕын "Кылыгырас кылыһахтаахтар" анал аат хаһаайыннара "Алгыс" олоҥхоһуттар бөлөхтөрө са5алаата. П.П.Ядрихинскай-Бэдьээлэ "Дьырыбына Дьырылыатта" олоҥхотун араас куолаһынан тойуктаан иһитиннэрдилэр. Салгыы "Талбаана" фольклор бөлө5ө, "Төрүт дор5оон" кыл кырыымпа бөлө5ө норуот ырыаларынан, хомус дьүрүскэн тыаһынан кэрэ киэһэни киэргэттилэр. "Мэскэйдэр" бөлөх "Тугу-тугу диирий?" диэн көрдөөх чабыр5а5ынан дьону үөртүлэр. Кэнсиэр 2-с чааһа Н.Д.Неустроев "Тиэтэйбит" комедиятынан икки көстүүлээх испэктээкили саала5а мустубут дьон ытыстарын тыаһынан арыалланан, көр-күлүү до5уһуолланан көрдөрүлүннэ. Испэктээкили "Мэскэйдэр" көр-күлүү бөлөҕүн артыыстара олус итэҕэтиилээхтик, хас биирдии оруолу ча5ылхайдык оонньоон көрдөрдүлэр.
Бу айымньылаах түһүлгэ көрөөччүлэргэ биир дойдулаахтарбыт талааннарыттан сө5үүнү-махтайыыны, дуоһуйууну бэлэхтээтэ. Талаан тыллар туонатыгар, айар кут түһүлгэтигэр кыттыбыт дьоммутугар бар5а махтал буолуохтун!
Комментариев нет:
Отправить комментарий