Ахсынньы 12 күнүгэр
Кыһыл-Сыыр нэһилиэгэр култуура дьиэтэ арыллыбыта 55, таас кулууп тутуллан үлэҕэ
киирбитэ 35 үбүлүөйдээх сылларын бэлиэтиир тэрээһиннэр чэрчилэринэн, «Алгыс»
Норуот Айымньытын Киинин сүрүннүүр методиһа, «Иис-Куо» куруһуок салайааччыта
Анастасия Касьяновна Барашкова Үбүлүөйдээх 55 сааһынан, өр сыллаах
айымньылаах үлэтин дьоҥҥо-сэргэҕэ, киэҥ эйгэҕэ көрдөрөр Саха төрут уонна
аныгылыы мааны көстүүлээх таҥастарын быыстапката үөрүүлээхтик арылынна.
Анастасия Касьяновна тарбаҕар талааннаах иистэнньэҥ, нэһилиэк ийэлэрин, эбээлэрин «Иис-Куо» куруһуокка иис кистэлэҥэр үөрэтэн, дьиэ кэргэттэригэр, чугас дьонноругар араас таҥас, көстүүм тигэр кыахтаахтар. Ону тэҥэ дойдуга буола турар анал байыаннай операцияҕа анаан көмө акцияларга кытталлар, аптечкалары, мал таһар сумкалары, ичигэс таҥас-сап тиктилэр.
Анастасия Касьяновна «Алгыс» Норуот Айымньытын Киинигэр 2006 сылга методиһынан үлэлии киириэҕиттэн 17 сыл тухары нэһилиэккэ, улууска саха таҥаһын пропагандалааһын үлэтигэр улахан кылааттаах. Ону тэҥэ А.Океомов аатынан «Мичээр» үҥкүү народнай ансаамбылга, «Сарыада», “Татыйык”, “Дохсун” ырыа ансаамбылларыгар, уус-уран самодеятельность кыттыылаахтарыгар анаан тикпит араас дьэрэкээн көстүүмнэрэ нэһилиэк, улуус, республика, тас дойду көрөөччүлэрин үгүстүк кэрэхсэтэр.
Комментариев нет:
Отправить комментарий