Бүгүн Бастакы Хомустаахха үлэ тэрилтэлэрин икки ардыларыгар үгэскэ кубулуйбут "Муус кэмэ" күрэх ыытылынна. Күрэххэ тэрилтэлэр биирдиилээн уонна иккилии буолан кыттыһаннар уопсайа 8 хамаанда кииристэ. Ол курдук:
1. ИП "Шарапов Г.Г" , Оҕо искусствотын оскуолата
2. Д.Ф. Алексеев аат. орто оскуола
3. «Улыбка» уһуйаан, Ядреев Л.П.
4. «Мичийээнэ» уһуйаан
5. Баһаарынай чаас, участковай балыыһа
6. НКТЭ, «Сайдыы» ОАДь
7. «Алгыс» НАК, «Туймаада» АЗС
8. Олохтоох дьаһалта, МАУ АРТ
Балаһыанньа быһыытынан хамаанда састаабыгар 4 эр киһи, 2 кэрэ аҥар киирэллэрэ ирдэнэр, 10×10 территория бэриллэр.Хайа хамаанда урут мууһун ылан,сааһылаан бүппүт кыайыылааҕынан ааҕыллар. Түмүккэ 3 миэстэни «Алгыс» НАК, «Туймаада» АЗС коллективтара, иккис миэстэни "Мичийээнэ" уһуйаан коллектива, бастакы миэстэни Баһаарынай чаас, участковай балыыһа коллективтара ыллылар. Кыайыылаах хамаанда Кубогунан уонна 10 тыһ.солк. харчынан наҕараадаланна. Ылыллыбыт муус нэһилиэкпит ветераннарыгар, СВО кыттыылаахтарын дьиэ кэргэттэригэр, доруобуйаларынан хааччахтаах дьоммутугар, уопсайа 30 -ча ыалга тутатына тиэйэн, тиэрдэн биэрии саҕаланна.
Комментариев нет:
Отправить комментарий