Бастакы Хомустаахпыт нэһилиэгэ «Хаарбах уонна саахалланар туруктаах дьиэттэн дьону көһөрүү» программаҕа кыттыыга улууска биир бастыҥ көрдөрүүлээх нэһилиэк буолар. Бу олохтоох дьаһалта түбүктээх үлэтин үтүө түмүгэ.
Бүгүн 12 нүөмэрдээх ВЛКСМ 50 сыла уулуссаҕа 6 квартиралаах, уопсайа 422,70 кв.м иэннээх, икки мэндиэмэннээх саҥа таас дьиэ үөрүүлээх арыллыыта буолла. Дьиэни Тимофеев И.П генеральнай директордаах «Восток Капитал» ХЭТ тутан үлэҕэ киллэрдэ. Дьиэ бастакы сыбаайата бу сыл олунньутугар түспүтэ уонна билигин номнуо бэлэм буолан хаһаайыттарын күүтэр. Үөрүүлээх тэрээһин алгысчыт сиэри-туому толоруутунан саҕаланна. Аалай лиэнтэни улуус баһылыга Юрий Слепцов, Бастакы Хомустаах баһылыга Василий Жирков, «Восток Капитал» ХЭТ генеральнай директорын солбуйааччы Георгий Алексеев уонна саҥа дьиэ хаһаайына Николай Соловьев быстылар. Нэһилиэкпитигэр уопсайа бу программаҕа кыттан 6 дьиэ үлэҕэ киирдэ, ол эбэтэр 77 квартира.
Бүгүн толору хааччылыылаах квартира күлүүстэрин туттулар хаһаайыттар Галина Рожина, Мария Оконешникова, Татьяна Филиппова, Ольга Охлопкова, Николай Соловьев.
Улуустааҕы депутаттар сэбиэттэрин быһаарыытынан биир дойдулаахпыт, төрөөбүт нэһилиэгэр кыһамньытын ууран туран үлэлиир Георгий Алексеевка "Нам улууһун ытыктабыллаах киһитэ " аат иҥэриллибитэ үөрүүлээх тэрээһиҥҥэ мустубут дьон сүргэтин көтөхтө.
Комментариев нет:
Отправить комментарий