Сэтинньи 04 күнүгэр, "Сомо5олоһуу" күнүн көрсө "Лоскутные орнаменты народов Якутии" бастакы республикатаа5ы иистэнньэҥнэр күрэхтэрэ ыытылынна. Күрэххэ уопсайа Нам улууһун нэһилиэктэриттэн уонна Дьокуускай куораттан 8 хамаанда кыттыыны ыллылар. Бырайыак ааптардарынан буолаллар "Алгыс" НАК уонна Дьокуускай куораттан "Прогресс" АНО тэрилтэлэр. Күрэххэ 2-3 киһилээх иистэнньэҥнэр хамаандаларыгар тута көҥүл темаҕа таҥас кырадаһыныттан араас техниканы туһанан 297 х 420 мм кээмэйдээх панно тигэргэ сорудах бэриллэн, кыттааччылар биэс чаас устата тигэн, оҥоһуктарын дьүүллүүр сүбэҕэ көмүскээн туттардылар. Түмүккэ Хамаҕатта нэһилиэгиттэн "Кэрэ" хамаанда ( Алена Аммосова, Саргылана Данилова, Маргарита Мухина) "Дьыл оҕуһа" үлэтинэн кыайыылаах аатын ыланнар, күрэх сүрүн спонсора "Швейный мир" маҕаһыынтан "оверлочнай" массыынаны бэлэх туттулар. Бастакы Хомустаахтан "Алгыс" НАК иһинэн үлэлиир "Иис- Куо" хамаанда ( Анастасия Барашкова, Валентина Яковлева, Марина Охлопкова) иистэнньэҥнэрэ иккис миэстэни ылары ситистилэр. "Лучшее владение техникой" анал ааты Бастакы Хомустаахтан "Уйгууна" хамаанда ( Татьяна Рожина, Мария Рожина) , "Лучшее образное решение" анал ааты А.Ф.Шестаков аат. улуустаа5ы норуот айымньытын дьиэтин "Кыраһа" хамаандата ( Мария Потапова, Анисия Трофимова, Туяра Романова),"Лучшее колористическое решение" анал ааты Олоҥхо дьиэтин "Оһуор ойуу" хамаандата (Екатерина Колесова, Тамара Зырянова, Юлия Габышева) ыллылар. Бары кыттааччыларга "Швейный мир", "ЛоскутОк", "Колибри" ма5аһыыннартан бэлэхтэр, бириистэр туттарылыннылар.
Күрэх бириэмэтигэр нэһилзиэк дьонугар- сэргэтигэр норуот маастара Татьяна Шишигина сахалыы кыбытык тигиигэ, ону тэҥэ АНО "Прогресс" специалистара "японскай" техниканан панно оҥоруутугар маастар- кылаастары ыыттылар.
Киэһээ көр- күлүү кэнсиэрин түһүлгэтигэр Хатастааҕы "Тускул" НАДь иһинэн үлэлиир "Хатас Хаадьылара" мини-театр, Хама5атта нэһилиэгиттэн "Түһүлгэ" НАДь-н "Сыралҕан" мини- театра уонна Бастакы Хомустаах нэһилиэгин "Алгыс" НАК "Мэскэйдэр" көр - күлүү бөлөҕө күндү көрөөччүлэргэ Сомоҕолоһуу күнүнэн истиҥ-иһирэх киэһээни бэлэх ууннулар.
Комментариев нет:
Отправить комментарий