Кулун тутар Дьөһөгөй ыйа. Бу ый 21 күнүттэн сырдык баһыйар, сандал саас саҕаланар. Итэҕэл быһыытынан, бу ыйга Саха уонна Сылгы ини-бии буолан төрөөбүттэр. Ити кэмтэн олоҥхо саҕаламмыт. Киһи бу орто дойдуга Үс күлүктээх кэлэр. Кэнники күлүк - урукку олох,онно үтүмэн элбэх өбүгэлэрбит киирэллэр, ортоку күлүк - бүгүҥҥү олохпут, инники күлүк - кэлэр олохпут уонна ыччаттарбыт олохторо. Кэнники күлүктээх киһи тирэхтээх, инники күлүктээх киһи кэскиллээх.Сыл устата үс күлүк төһө эрэ ыһыллар,ону биһиги холбоон биэриэхтээхпит. Оччоҕо чөлбүтүн харыстыыбыт.
Бүгүн кулун тутар 22 күнүгэр, 11.00 чаастан "ҮС КҮЛҮГҮ ХОЛБУУР " туом ыытылынна. Туомҥа кыттыыны ыллылар культура кииинин үлэһиттэрэ, нэһилиэкпит олохтоохторо ону сэргэ Уус - Маайаттан кэлбит культура киинин үлэһиттэрэ.Туому Наталия Николаева- Тускууна ыыта. Уус-Маайа делегацията киин үлэтин-хамнаһын билистэ, чуолаан Пушкинскай карта, онлайн билет атыытын үлэтиттэн опыт ыллылар. Кэлбит ыалдьыттарбыт алгыс ылынан, биһирээн, сүргэлэрэ көтөҕүлүннэ.
Комментариев нет:
Отправить комментарий