Сэтинньи 7 күнүттэн "Алгыс" норуот айымньытын киинэ тэрийиитинэн " Чэйиҥ эрэ..." диэн анал ааттаах быһа биэриилэр тахсар буоллулар. Ол курдук, бастакы биэрии Сомоҕолоһуу күнүн чэрчитинэн ыытылынна. Бу күн Д. Ф. Алексеев аатынан орто оскуола эдэр педагогтара уонна улахан кылаас оҕолорун "Сирдьит" түмсүүтэ  биэс түһүмэхтээх  оонньууга күөн көрүстүлэр.  Ыйытыктарга эппиттээтилэр, ойуулаан -дьүһүннээн көрдөрдүлэр, үҥкүүлээн күрэхтэстилэр. Түмүгэр доҕордоһуу кыайда.

Бу  курдук быһа эфир биэриилэрэ, "ВКонтакте" анал сыһыарыыга ыйга биирдэ араас хайысханан тахсара былааннанар.

"Чэйиҥ эрэ"- 1  быһа эфир сигэтэ

  

  ⏩⏩⏩СИГЭНИ БАТТАА 

Хас биирдии нэһилиэк олоҕо сайдарыгар, инники кэскилэ кэрэни кэрэхсииригэр, үтүөнү үксэтэригэр, талаан арылларыгар кулууп дьиэтин оруола улахан. Ол курдук, алтынньы 18 күнүгэр "Алгыс" НАК  Ийэ күнүгэр аналлаах кэнсиэринэн үлэ сезонун арыйда.

 

Алтынньы 1 күнэ - Аҕам саастаах дьоммут күннэринэн, Хомустаах Бастакы нэһилиэгэр сылын ахсын ыытыллар кырдьаҕастарга аналлаах "Олохпут көмүс күһүнэ" бырааһынньыктааҕы  тэрээһин ыытылынна. Баһылык В.Г.Жирков, 

бэтэрээннэр сэбиэттэрин бэрэссэдээтэлэ З. Е. Ощепкова  юбилярдарга истиҥ эҕэрдэ,  бэлэх туттартаатылар. Бу күн ыстыкка кииириэх

иннинэ ыраастаныы,

доруобуйаны бөҕөргөтүү

сиэрэ- туома, 

"Урукку кэми эргитэ..." 18 үйэттэн саҕалаан 90-с сыллар малларын быыстапка күрэҕэ ыытылыннылар.

 

Бырааһынньыгы  Усуйаанаттан сылдьар Петр Горохов баян көмүс дорҕоонун таһааран, ырыа ыллаан киэргэттэ.

Маны сэргэ Хамаҕаттаттан төрүттээх Николай Бурнашев - Куола Уола бэйэтин ылбаҕай ырыатынан сэргэхситтэ.  

Бу курдук алтынньы 1 күнүгэр сылын ахсын  ыытыллар күн  ахтыынан, истиҥ сэһэргэһиинэн түмүктэннэ. Тэрээһини "Алгыс"  НАК коллектива иилээн- саҕалаан ыыттылар.

Аҕам саастаахтар күннэринэн алтынньы 2 ,3 күнүгэр нэһилиэкпитигэр "Алгыс" норуот айымньытын киинигэр "Ытык Эбэбит Үрүҥ Күөл күндү бэлэҕэ- Собо" диэн ааттаах

 Түбэтээҕи "Үрүҥ Күөл" краеведческай гостевой балаҕана, "Собо" музейа быыстапканан ыалдьыттаата.

Саха Өрөспүүбүлүкэтин судаарыстыбаннаһын күнүн чэрчитинэн балаҕан ыйын 28 күнүгэр  Бастакы Хомустаах нэһилиэгэр  "Күһүҥҥү киһи күлбүтүнэн"  дьаарбаҥка ыытылынна. 

Балаҕан ыйын 23 күнүгэр Бастакы Хомустаахха "Культурный код Намского улуса" бырайыак чэрчитинэн   В. П. Артамонов аат. Хамаҕатта саха-французскай лицейын "Силис" үөрэтэр- чинчийэр экспедиция оҕолоро  учууталларын кытта  нэһилиэк тэрилтэлэринэн сырыттылар, биирдиилээн  дьону кытта көрүстүлэр.