Балаҕан ыйын 23 күнүгэр Бастакы Хомустаахха "Культурный код Намского улуса" бырайыак чэрчитинэн В. П. Артамонов аат. Хамаҕатта саха-французскай лицейын "Силис" үөрэтэр- чинчийэр экспедиция оҕолоро учууталларын кытта нэһилиэк тэрилтэлэринэн сырыттылар, биирдиилээн дьону кытта көрүстүлэр.
Ол курдук, фольклор хайысхатын билиһиннэрдилэр Е.И. Руфова, У.Н. Винокуров , уус уһуйаанын А.А. Винокуров. Нэһилиэк олохтооҕо , ытык кырдьаҕас Анна Петровна Азарованы,
суруйааччылар- Алексей Татаринов- Удьурҕайы, Николай Федотов - Уран-Утуму кытта көрсүһүүнү "Эйгэ" библиотека тэрийдэ. "Сайдыы " оҕо айымньытын дьиэтигэр иис , төрүт туос тигиитин ньымаларыгар Т.М. Соловьева, В.Д. Баишева уһуйдулар. "Мэҥэ таас" ытык сир, Кыайыы пааматынньыгын туһунан билиһиннэрдилэр Ж.А. Кривошапкина, Г. М. Николаева.
.jpg)
Спорт дьиэтигэр - нэһилиэк спортсменнарын сырдатта Е.В.Терентьева. Оҕо искусствотын оскуолатын коллектива нэһилиэктэн төрүттээх уруһуйдьуттары билиһиннэрдэ. Бу курдук эпспедиция кыттыылаахтара нэһилиэк историятын, үлэтин- хамнаһын туһунан баай матырыйааллаах айан суолун туттулар.
Комментариев нет:
Отправить комментарий