Биһиги дойдубут Аҕа дойду Улуу сэриитигэр Кыайыыны ситиспитэ быйыл лоп курдук 81 сыла.
Бүгүн ыам ыйын 7 күнүгэр "Кыайыы суолунан" Д. Ф. Алексеев аатынан 1-Хомустаах орто оскуолатын 8, 9,10, 11 кылаастарын оҕолоругар квест- оонньуу ыытылынна . Күрэх кыайыыны уһансыбыт биир дойдулаахтарбыт ааттарын үйэтитиигэ суолталанар. Оонньуу Аҕа дойду сэриитин бастакы истиэпэн уордьаннаах Михаил Иванович Белолюбскай аатыгар ананна. Бирииһи квест кыттыылаахтарыгар М.И.Белолюбскай сиэннэрэ, хос сиэннэрэ туруордулар. Бу курдук "Алгыс" норуот айымньытын киинэ 4-с сылын олохтоох сэрии бэтэрээннэрин үйэтитэн эдэр ыччакка билии-көрүү эйгэтин, квест оонньуунан иҥэрэллэр.
.jpg)
Михаил Иванович Белолюбскай 1912 сыллаахха балаҕан ыйын 12 күнүгэр Уус Алдан Баатаҕай нэһилиэгэр Илин Маралыкы алааска төрөөбүтэ. 1942 сыллаахха армияҕа ыҥырыллыбыта. Забайкальскай фронҥа, 67-c запасной стрелковай полка, биригээдэтигэр сулууспалаабыта. 1945 сыллаахха Маньчжурияҕа 41-c Дьоппуоннары утары сэриигэ кыттыбыта Михаил Иванович Улуу Кыайыы 40 сылын туолар үөрүүлээх күнүгэр Аҕа дойду сэриитин бастакы истиэпэннээх орденынан наҕараадаламмыта. Михаил Иванович 1961 сыллаахтан Нам оройуонун 1 Хомустаах нэһилиэгэр дьиэ-уот туттан олохсуйбута, "Нам" совхозка бэриниилээхтик үлэлээбитэ.
Уопсайа 5-тии үөрэнээччи 4 хамаанданан кыттан, нэһилиэк биллэр- көстөр дьонун үлэлээн, олорон ааспыт сирдэрин устун, бэриллибит 8 сорудаҕы бэрт дьаныардаахтык киирсэн толордулар. Күрэх түмүгүнэн:
🥇 - 10 кылаас,🥈- 11 кылаас, 🥉- 8 кылаас
Эйэлээх олохпут туһугар тыыннарын да толук ууралларын кэрэйбэккэ, сэриигэ уонна тыылга хорсуннук турууласпыт, суорума суолламмыт аҕа көлүөнэ дьоммутун дириҥник ытыктаан, үтүө, махтал тыллары аныырбыт – тыыннаахтар ытык иэспит. Ким да умнуллубат, туох да умнуллубат !
Комментариев нет:
Отправить комментарий