Үҥкүү кэрэ эйгэтэ киһини үөрдэр, абылыыр күүстээх... ким үҥкүүлүүр ол эрчимнээх, чэгиэн - чэбдик, өрүү мичээр аргыстаах ! Ол курдук, " Алгыс" норуот айымньытын киинин иһинэн үлэлиир үс үҥкүү бөлөҕө муус устар 29 күнүгэр үбүлүөйдээх дьоро күннэрин бэлиэтээтилэр «Чэбдик» үҥкүү бөлөҕө 20 сыла, «Чэмэлиинэ» үҥкүү бөлөҕө 15 сыла, «Күндүүнэ» үҥкүү бөлөҕө 5 сыла.
Бу үөрүүлээх күҥҥэ үҥкүү кэрэ киэһэтин дуоһуйа көрөөрү ыраахтан, чугастан истиһэн саалаҕа дьон тоҕуоруһа муһунна. Кэнсиэри эҕэрдэ тылынан аста «Хомустаах Бастакы нэһилиэгэ» Тыа сирин түөлбэтин дьаһалтатын баһылыга Василий Жирков. 20 сыл эҥкилэ суох үҥкүүлээбит Далбар Хотуттар Зоя Ивановна Степанова, Мария Дмитриевна Суздалова, Мария Михайловна Петрова "Нам улууһа" МО баһылыгын Ю.И.Слепцов Бочуотунай грамотатын туттулар.
«Нам улууһа» Муниципальнай Оройуон Култуураҕа уонна духуобунай сайдыыга управлениятын специалиһа, улуустааҕы дьахтар Сэбиэтин бэрэссэдээтэлэ Ирина Семеновна Винокурова эҕэрдэтин тириэртэ.
Өр сыллар тухары үҥкүүнү өрө тутан үҥкүүлээн кэлбит " Чэбдик" үҥкүү бөлөҕүн кыттыылаахтартарыгар Республикатааҕы норуот айыньытын дьиэтин Бочуотунай грамотатын (дир. Иванов И.Ф) туттулар: Людмила Ивановна Николаева, Галина Афанасьевна Дмитриева, Марианна Ивановна Ядреева.
2006 сыллаахха Александр Николаевич Окоемов эти - хааны чэбдигирдэр сыаллаах нэһилиэк Далбар Хотуттарыгар анаан «Чэбдик» бөлөҕү үлэлэтэн саҕалаабыта. Манна бастакынан «Мичээр» ансаамбылга дьарыктаммыт оҕолор төрөппүттэрэ кэлбиттэрэ. Улам коллектив улаатан, туспа эйгэлээх түмсүү буолбута. Кыттааччылар күүстэринэн көстүүмнэр тигиллибиттэрэ, коллективы өр кэмҥэ Татьяна Филипповна Филиппова салайбыта. Коллектив репертуарыгар хореографтар Александр Окоемов, Татьяна Филиппова, Нюргуяна Сысолятина, Эудара Сергеева, Валерия Конникова үҥкүүлэрэ бааллар. Коллективы салайан үлэлэтэр А.Окоемов аат .«Мичээр» репетитора Алена Охлопкова . Күн бүгүн коллективка 8 Далбар Хотун дьарыктанар. «Чэбдиктэр» үгүс үҥкүү күрэхтэригэр кыттыыны ыланнар , кэккэ ситиһиилэрдээхтэр, култуура киинин бастыҥ актыбыыстарынан буолаллар.
2011 сыллаахха «Мичээр» ансаамбыл выпускниктарын мунньар сыаллаах ыччат бөлөҕө тэриллибитэ. Манна «Мичээр» ансаамбылы араас сылларга бутэрбит выпускниктар, ону сэргэ нэһилиэк ыччата кэлэн дьарыктарын саҕалаабыттара.
Кэлин ыччат бөлөҕө «Чэмэлиинэ» үҥкүү бөлөҕө ааттанан, күн бүгүн бөлөххө 13 кэрэ аҥар дьарыктанар. Коллектив репертуарыгар хореографтар Александр Окоемов, Эдуара Сергеева, Сардаана Березкина, Анджелика Ноговицына, Алена Охлопкова үҥкүүлэрэ бааллар. Коллективы сүрүннээн үлэлэтэр А.Окоемов аат. «Мичээр» ансаамбыл администратора Нюргуяна Ошепкова .
2021 сыллаахха нэһилиэк тэрилтэлэригэр үлэлиир кэрэ аҥардары түмэр сыалтан, Татьяна Филиппова тэрийиитинэн «Күндүүнэ» үҥкүү коллектива күн бүгүн 13 үҥкүүһүтү түмэ тардан үлэлиир. Коллектив репертуарыгар хореографтар Константин Борисов, Татьяна Филиппова, Алена Охлопкова, Валерия Конникова үҥкүүлэрэ бааллар. Коллектив үгүс республиканскай үҥкүү күрэхтэрин лауерата. Коллективы салайан үлэлэтэр Алена Охопкова.
Хас биирдии коллектив бэйэтэ тус эйгэлээх, тыыннаах, киһи сүргэтин көтөҕөр истиҥ, сылаас үҥкүүлэрдээх. Маныаха үҥкүүгэ биир сүрүн дьүөрэлиир оруолу ылар көстүүм. Үҥкүүһүттэр сыанаттан биир тэҥ, кэрэ көстүүлээх, хамнаныыларыгар сөрү-сөп көстүүмнээх буолалларын өр сылларга ситиспит СӨ култууратын туйгуна "Алгыс" норуот айымньытын киинин сүрүннүүр специалиһа Анастасия Барашкова буолар.
Бу күн өссө биир сонун көстүүнэн буолла өбүгэттэн кэлбит, кэрэ тыаһынан сүрэҕи сылаанньытар, абылыыр - хомус СӨ култууратын туйгуна, норуоттар икки ардыларынааҕы хомус күрэхтэрин лауреата. Хомуска араас дьикти тыаһы таһаарар методика автора, "Виртуоз- хомусчут" - Георгий Слепцов - Чаҕылхан үс композицияны хомуһунан таһааран көрөөччүлэри сөхтөрдө.
Ханнык үҥкүү ырыата-тойуга суох буолуой, "Дорҕоон" вокальнай инструментальнай ансамбль кыттыылааҕа Игнатий Попов толоруутугар бэйэтэ суруйбут " Аэродром наш Хомустах" ырыатын ыллаан бэлэхтээтэ.
Бу курдук Хомустаах Бастакы олохтоохторугар "Чэбдик", "Чэмэлиинэ", "Күндүүнэ" үҥкүү бөлөхтөрө Үҥкүү күнүгэр нэһилиэктэрин олохтоохторугар, бэртээхэй киэһэни бэлэхтээтилэр.
Комментариев нет:
Отправить комментарий