"Далбар Хотун» күрэс – СӨ Ил Дархана бигэргэппит дьиэ кэргэҥҥэ итиэннэ демографияҕа сыһыаннаах бэлиитикэтин сүрүн хайысхаларын өйүүр сыалтан олохтоммут өрөспүүбүлүкэтээҕи бырайыак.
Сандал сааһы көрсө кулун тутар 6 күнүгэр Дьокуускай куоракка, киэһэ 17:00 чаастан Ю.А. Гагарин аатынан Култуура уонна Ускуустуба киинигэр саха дьахтарын мындыр өйүн, хоһуун үлэһитин, талба талаанын көрдөрөр «Далбар Хотун – 2026» күрэс буолан ааста. Бу күрэс быйыл 15 төгүлүн ыытыллан тыа сиригэр олорор үлэһит дьоһун дьиэ кэргэни киэҥ эйгэҕэ таһааран норуокка билиһиннэрии буолар.
Өрөспүүбүлүкэбүт бары улуустарыгар тыа хаһаайыстыбатын өрө тутан, хороҕор муостааҕы ууһатан, сыспай сиэллээҕи элбэтэн, үрүҥ илгэни үрүлэтэн, үүт- эт астаах, киэҥ көрүүлээх Далбар Хотуттар аҕыйаҕа суохтар.
Ол курдук, Наммыт улууһун аатыттан күөн көрүстэ үс оҕо күн күбэй ийэтэ, СӨ Тыатын хаһаайыстыбатын туйгуна, "Илгэ Хотун" кооператив салайааччыта, осменатор идэлээх Хомустаах Бастакы нэһилиэгин Далбар Хотуна Ольга Валерьевна Сивцева дьиэ кэргэнинээн. Тыа хаһаайыстыбатын эйгэтигэр 30-ча сыл эҥкилэ суох үлэлээн, үлэ миэстэлэрин тэрийэн нэһилиэгэр дьон махталын ылар.
Маны таһынан дьүөгэлэрин кытта “кейтеринг” тэрийэн үлэлэтэр, бэйэ бородуксууйатын атыыга таһаараллар. Баҕа санаата- ферматын кэҥэтэн, сайыннаран, саҥа сайылык туттуон, нэһилиэгин дьонун бэйэ аһынан-үөлүнэн хааччыйыан баҕарар.
Күрэс 4 түһүмэҕинэн ааста.
- Бастакы түһүмэх - "Бэйэни билиһиннэрии"
Кыттааччы сценаҕа тахсан аатын уонна улууһун билиһиннэрэр. Манна Ольга Валерьевна дьиэ кэргэнэ тахсан, ийэлэрин өйөөн бары бэйэлэрин итиэннэ дьарыктарын билиһиннэрдилэр. Олус үчүгэй киэргэтиинэн чабырҕах ааҕан, оонньоон элээртилэр " Сайдыы" оҕо айымньытын дьиэтэ " Умсул5ан" фольклорнай студия оҕолоро - Аргунова Полина, Аргунова Айыына, Алексеева Куннэй, Маркова Ева. (сал. Александра Аргунова)
Иккис түһүмэх- 'Талаан"
- Кыттааччы талаанын ыллаан, үҥкүүлээн, музыкальнай тэрилгэ оонньоон эбэтэр атын айар дьоҕурун көрдөрөр. Бу түһүмэххэ Ольга Валерьевна "Ламбада"
Ырыаны ыллаан, көрөөччүлэри да, дьүүллүүр да сүбэни сөхтөрдө. Ламбада уоттаах-күөстээх, хамсаныылаах үҥкүүнү нэһилиэкпит талааннаах ыччаттара Сардаана Березкина, Рената Захарова Анатолий Охлопков, Константин Борисов көрдөрдүлэр.
Үһүс күрэх - "Ас күрэҕэ"
Кыттааччы бэйэ оҥорон таһаарар аһыттан бүлүүдэни эрдэ астаан аҕалан көрдөрүүгэ туруорар манна бүлүүдэ ахсаана хааччахтаммат. Бүлүүдэлэр көрөөччүлэргэ аукцион быһыытынан атыылаатылар. Киирбит үп Сахабыт сириттэ Анал байыаннай дьайыыга сылдьар уолаттар төрөппүттэрин комитетын бэрэссэдээтэлигэр Светлана Владимировна Диодорова-Лаврентьеваҕа 273 000 солкуобай харчы туттарылынна. Манна, Ольга Валерьевна хамаандатын кытта астаабыт аһа аукциоҥҥа 124 000 солкуобай харчыга турда. Бары кыттааччылартан элбэх сыанаҕа турда.
Төрдүс түһүмэх - Киэһээҥҥи былааччыйалаах бары кыттааччылар хааман көрдөрдүлэр.
Биир сүрүн ирдэбилинэн кыттааччы “Далбар Хотун” сурунаалга 2026 сыл иккис аҥарыгар 50 экземплярга булгуччу суруттарбыт буолуохтаах этэ. Манна биһиги улууспут Далбар Хотун сурунаалга 65 киһи суруттаран инники күөҥҥэ таҕыста. Сууйуулээх подписка кыайылаахтарынан буоллулар: Виктория Матвеева , Елена Руфова,Авксентий Соловьев, Антонина Константинова ,Лариса Сивцева, Николай Дьячковскай.
Күүтүүлээх түмүк тиҥээн кэлэн бары кыттааччылар долгуйан, -" Хайа улуус "Далбар Хотун - 2026 буоллаҕа?" - диэн көрөөччүлэр санааҕа ылларан саала иһэ чуумпунан туолла. Ол курдук, Уус - Алдан улууһун олохтооҕо Саина Егоровна Григорьева буолла.
Биһиги Ольга Валерьевнабыт "Байылыат Хотун" анал аат үрдүк аатын сүктэ.
Түгэнинэн туһанан, "Алгыс" норуот айымньытын киинин аатыттан махтанабыт П. П. Ядрихиҥскай-Бэдьээлэ аат. Намнааҕы олоҥхо дьиэтин директорыгар, СӨ култууратын туйгунунар Вера Васильевна Колпашниковаҕа. Бары сүүрбүт-көппүт, сүбэ-ама буолбут 1-Хомустаахпыт , улууспут тэрилтэлэригэр , дьонугар- сэргэтигэр.
.jpg)
Комментариев нет:
Отправить комментарий