Сэтинньи ый - Баай Байанай ыйа. Бу кэмҥэ Баай Байанайбыт олус үөрүнньэҥ буолар диэн былыргы сахалар этэллэрэ.
Уол оҕо -суон ойуур курдук дурда, халыҥ ойуур курдук хахха, удьуору-төрүтү салҕааччы, кыамматы-кыраны харыстааччы, көмүскээччи буолар диэн этииттэн Байанай ыйынан Хомустаах нэһилиэгин эр дьоно, уол оҕолоро кыттыылаах түөлбэлэринэн күрэх ыытылынна.
Күрэхтэһээччилэр парадтаан киирэн бэйэ бэйэлэрин эҕэрдэлэһэн, Байанай ыйынан алгыһынан буруолатыы, ону тэҥэ Олоҥхо күнүнэн фольклор специалиһа Елена Руфова тойуктаан иһитиннэрдэ. Баһылык Василий Жирков - дьиэ кэргэҥҥэ аҕа уонна уол дьиэҕэ - уокка, тыаҕа сылдьарга ситимнэрин берегите сылдьалларын баҕарда.
Күрэх хара маҥнайгыттан тыҥааһыннаах буолан биэрдэ. Күрэх түһүмэхтэрэ көрдөххө борустуой курдук эрээри, күрэхтэһээччилэри тиритиннэрдэ. Мас эрбээһинэ, тоһоҕо саайыыта, мээчик таба быраҕыы, күөгүлээһин, илим тардыы уонна булка аналлаах ыйытыкка хоруй. Түмүккэ, бастакы - "Саһарҕа", иккис - "Кустук" үһүс - "Дьулуур" түөлбэлэр таҕыстылар. Хас биирдии кыттааччыга махтал сурук, Баай Байанай мэтээллэрэ туттарылынна.
Комментариев нет:
Отправить комментарий