Бүгүн, сэтинньи 21 күнүгэр Партизан нэһилиэгин "Хомус" фольклор дьиэтигэр норуот ырыаһыта, педагог-уһуйааччы, импровизатор хомусчут, тойуксут, алгысчыт, СӨ "Ытык олоҥхоһуттарын" чилиэнэ, " Дьүрүл" норуодунай ансаамбылы төрүттээччи Д. И Кривошапкин төрөөбүтэ 85 сылынан "Сур соноҕос аттаах Алтан Саар бухатыыр " олоҥхото көрдөрүлүннэ.
Олоҥхо туруорааччы режиссера Иван Новиков, режиссер көмөлөһөөччүтэ Ньургустана Лебедева. "Алгыс" НАК үлэһиттэрэ - фольклор специалиһа Елена Руфова - абааһы кыыһа, уус-уран салайааччы Вячеслав Константинов Дуолан оҕонньор , А.Н.Окоемов аат. «Мичээр» народнай ансаамбыл сүрүн хореограба - Константин Борисов Сата Боотур, "Хомус" фольклор дьиэтин специалиһа Нюргуяна Сысолятина "Суор" оруолун оруолларын итэҕэтиилээхтик толордулар . Абааһы уола, Сорук Боллур оруолларын талааннаах ыччаппыт Урсун Винокуров, З. П. Винокуров аат. Оҕо искусствотын оскуолатын 1-Хомустаахтааҕы филиалын фольклор кылааһын уһуйааччыта олус чаҕылхайдык толорон олоҥхо сүрүн көстүүтүн киэргэттэ.
Бу үтүө- мааны олоҥхо түһүлгэтигэр култуура эйгэтигэр бэриниилээх үлэтин, үгүс ситиһиилэрин иһин СӨ култууратын туйгуна Елена Руфова "За вклад в развитие культуры Намского улуса» бэлиэнэн наҕараадаламмыта үгүс үөрүүнү аҕалла.
Комментариев нет:
Отправить комментарий