МБУ ЦНТ "Алгыс" с. Кысыл- Сыр, Намского улуса

 

Бүтүн Россия үрдүнэн бэлиэтэнэр    устудьуон күнүн чэрчитинэн «Мин кэлэр кэм устудьуонабын» диэн үрдүкү кылаас үөрэнээччилэрэ кыттыылаах профориентационнай –  идэни  талыыга көмө буолар сыаллаах тэрээһин «Алгыс»  НАК – гэр  II-с төгүлүн ыытылынна. Кыттыыны ыллылар   З. П. Саввин аат. Үөдэй орто оскуолатын үөрэнээччилэрэ (директор В. Р.Барашкова)  уонна Д. Ф.  Алексеев аат. 1-Хомустаах орто оскуолатын үөрэнээччилэрэ (директор У. П.  Атласова). 

Тэрээһин тутулунан кыттааччылар түөрт хамаандаҕа арахсаннар станцияларынан  оонньоотулар. Ол курдук, 1 станция – “Профессии родителей” кроссворд таайыыта, 2 станция – “В гостях у сказки”,  3 станция – “Найди профессии” анаграмма таайыы, 4 станция – “Кини кимий ?” биллиилээх дьону хаартысканан таайыы, 5 станция – “Профессии на букву...” бэриллибит тыл буукубаларыттан  идэлэри  суруйуу. О5олор бэлиэтээбиттэринэн саамай интэриэһинэй станцияларынан буоллулар  “Найди профессии”, “Кини кимий ?“.    Бу кэннэ  араас хайысхаҕа үөрэнэ сылдьар устудьуоннары кытта аһаҕас кэпсэтии ыытылынна. Үрдүк, орто үөрэх, 9 кылаас кэнниттэн үөрэххэ киирии туһунан бэрт сэргэх кэпсэтии та5ыста. Устудьуоннар Анастасия Избекова, Күннэй Табунанова, Петр Колодезников, Алиада Оконешникова, Элеонора Сысолятина кыттыыны ыллылар. Түмүккэ  доҕордуу сыһыаны олохтуур сыаллаах аралдьытыы оонньуулары, үҥкүүнү  Д. Ф. Алексеев аат.  орто оскуола “Сирдьит” лидердар түмсүүлэрэ ыыттылар ( сал. Баишева В.И.) Кыайыылаах хамаандалар бириистэринэн наҕараадаланнылар.

    

Көхтөөх кыттыыны ылбыт оҕолорбутугар, ыалдьыттарбытыгар инникитин даҕаны   бу курдук доҕордоһуу сыһыаны олохтоон, тэрээһиннэргэ кыттаргытыгар баҕарабыт. Үтүө үлэһит дьон буолаарын диэн алгыс тылбытын аныыбыт! Тэрээһин спонсордарыгар – Анастасия, Герасим Поповтар дьиэ кэргэннэригэр  махталбытын биллэрэбит.