Тохсунньу 30 күнүгэр Хатырыкка “Сайдам” норуот айымньытын дьиэтэ тэрийэн “Икки сулус” дуэттар аһаҕас күрэхтэрэ буолан ааста. Дьүүллүүр сүбэҕэ СР үтүөлээх артыыһа Тамара Попова- Хадаана, СР культуратын туйгуна, Нам улууһун “Туллук хаара” мелодистар түмсүүлэрин салайааччыта Андрей Замятин, СР культуратын туйгуна Виктор Игнатьев, «Махсыым уолаттара» вокальнай ансамбль салайааччыта, мелодист Иннокентий Татаринов, «Ай-ыллаа» ансамбль салайааччыта Ирина Винокурова үлэлээтилэр.
Бу күрэх Хатырык сиригэр ыллаан – туойан ааспыт ымыылаах ырыаһыттар ааттарын үйэтитэр сыаллаах тэриллибитэ иккис сыла. Күрэх түмүгүнэн «Иэйиилээх ырыаһыттар» номинацияны Тулагыттан Татьяна Колесова, Марфа Прибылых, “Көрөөччү биһирэбилэ” номинацияны Намтан эдэр кэскиллээх ырыаһыттар Айхал Татаринов, Кристина Неустроева, 3 Үрдэли Бастакы Хомустаахтан Роман Леонтьев, Урсун Винокуров, 2 Үрдэли Бастакы Хомустаахтан Надежда Васильева, Елена Каменева, 1 Үрдэли Хатырыктан Айыына Попова, Любовь Левина, онтон Гран Прины Бастакы Хомустаахтан Галина Попова, Елена Каменева ыллылар. Биир дойдулаахтарбытыгар үрдүк ситиһиилэринэн итии -истиҥ э5эрдэбитин тиэрдэбит.
Комментариев нет:
Отправить комментарий