Саҥа дьыл тыынын биллэрэр, оҕо- аймаҕы түмэ тардар, түөлбэлэр икки ардыларыгар "Хаарчаана Куо" күрэх талаан тыллар туонатыгар ахсынньы ый 21 күнүгэр ыытылынна.
Нэһилиэкпит түөлбэлэриттэн биэс кэрэ кыргыттар кыттыыны ыллылар. Кыргыттар бэйэни билиһиннэрии, талаан, Хаарчаана көстүүмэ түһүмэхтэргэ, ону сэргэ сахалыы ойуулугу хартыынанан таайыыга күрэхтэстилэр. Сыаналыыр сүбэҕэ үлэлээтилэр - А.Шестаков аат. Улуустааҕы НАК култуурунай тэрээһиннэри былаанныыр отдел сэбиэдиссэйэ Петрова Туяра Романовна, Хамаҕатта нэһилиэгин
"Түһүлгэ" НАК методиһа, СР Культуратын туйгуна Уодай Татьяна Руслановна, П.П.Ядрихинскай аат. Олоҥхо дьиэтин балетмейстера, СР Культуратын туйгуна, "Үргэл", "Ай-Ледис", "Амаана" үҥкүү коллективтарын салайааччыта
Татаринова Римма Александровна.
Түмүккэ "Хаарчаана Куо" күрэс кыайыылааҕынан "Үрдэл" түөлбэттэн Алиана Ядреева таҕыста.
Николаева Сахаайа "Дьулуур " түөлбэттэн
" Талаана Куо " , " Ситим Хаарчааната " анал ааты ылла ,
" Кэрэчээнэ Куо " анал ааты "Кустук" түөлбэттэн Павлова Мирена, "Саһарҕа" түөлбэттэн
" Туйгууна Куо " анал ааты Егорова Эвелина, "Кэскиллэннэ Куо" анал ааты "Чагда" түөлбэттэн Надия Абдульманова ыллылар. Киэһээни иилээн -саҕалаан ыыттылар Диана Азарова, Александр Рязанский. Үҥкүүнэн киэргэттилэр "Мичээр", "Күнчээн" ансаамбыллар, "Сирдьит" лидердэр түмсүүлэрэ, ырыаларын бэлэх ууннулар уһуйаан иитиллээччилэрэ уонна убайдыы быраат Дыгын Барашков, Дамир Ховров. Тэрээһиҥҥэ күүс -көмө буолбут, чуолаан түөлбэ салайааччыларыгар махталбытын биллэрэбит!
Комментариев нет:
Отправить комментарий