Оҕо көмүскэлин күнүн бэлиэтиир үтүө тэрээһин оҕо- аймаҕы угуйа тарта. СР Оҕо сылынан, Нам улууһугар, нэһилиэкпитигэр Оҕо спордун сылынан уһуйаан иитиллээччилэрин икки ардыларыгар "Эрчимэн Бэргэн " түөрт түһүмэхтээх күрэх ыытылынна.
Манна кырачаан уолаттар Арылхан Олесов, Стас Попов, Ян Николаев, Ньургун Охлопков күөн көрүстүлэр. Көрөөччүлэргэ бэйэлэрин билиһиннэрдилэр, талааннарын көрдөрдүлэр, өбүгэ оонньуутугар - ойбонтон уулааһыҥҥа, мас тардыһыыга көрөөччү кутун туттулар, сүргэтин көтөхтүлэр. Түмүккэ күрэх кыайыылааҕынан Ян Николаев, иккис миэстэҕэ Арылхан Олесов, үһүс миэстэҕэ Стас Попов таҕыстылар, "Дьулуур" анал ааты Ньургун Охлопков ылла. Күрэх кыттааччылара "Мас - игра" хампаанньа бириистэринэн наҕаараадаланнылар. Күрэҕи ыытыыга, маассабай өбүгэ оонньууларын ыытыыга күүс- көмө буолла Софронова Е. Д. «Мичийээнэ» оҕо уһуйаанын физкультура инструктора, "Өбүгэ оонньуута оҕо уһуйааныгар" программа ааптара.
Маны сэргэ оҕолорго анаан фотозона, Аквагримм үлэлээтэ, минньигэс ас атыыланна. "Үргэл" общество председателэ Березкина Т.А. доруобуйаларынан хааччахтаах кырачааннарга тэрилтэлэр олохтообут сэмэй бэлэхтэрин туттартаата. Тэрээһини «Ымыы» вокальнай студия ( сал. Охлопкова М.В) оҕолоро ыллам ырыаларынан киэргэттилэр. Онтон мантан киэһээ киинэ саалата оҕолору күүтэр.
Комментариев нет:
Отправить комментарий