Дойду үрдүнэн Дьиэ кэргэн сылыгар анаммыт “Большие
семейные выходные” бырайыак чэрчитинэн
былааннаммыт тэрээһиннэр ыытылла тураллар.
·
Ыам
ыйын 18 күнүгэр ыал буолан олорбуттара үбүлүөйдээх сылларын чиэстиир “Олох устун өрүү бииргэ” үгэс буолбут тэрээһин ыытылынна. Тэрээһиҥҥэ
50 сыл бииргэ олорбут Марианна Ивановна, Михаил Павлович Ядреевтары, Надежда
Константиновна, Виктор Федорович Орловтары, 25 сыл бииргэ олорбут Ирина
Николаевна, Николай Гаврильевич Николаевтары нэһилиэк депутаттарын сэбиэтин
председателэ Николаев Ю.А. эҕэрдэлээтэ.
Ылбаҕай ырыаларынан эҕэрдэлэр, алгыс тыллара этилиннилэр. Үбүлүөйдээх ыаллар
оҕолоро, сиэннэрэ кэлэн эҕэрдэлээбиттэрэ, махтал тылларын эппиттэрэ олус
долгутуулаах буолла.
·
Ыам
ыйын 22 күнүгэр иккис сылын “Дууһабын иэйэбин гитара тыаһынан” киэһээ ыытылынна. Манна ыччаттар кутаа уот тула
олорон гитаран сахалыы, нууччалыы ырыалары
таһааран, “Ырыа күнүн” сэргэхтик
атаардылар.
·
Ыам
ыйын 23 күнүттэн 25 күнүгэр диэри
маастар кылаастар ыытылыннылар. Ол курдук, элбэх оҕолоох ийэ, сатабыллаах хаһаайка Анастасия Сивцева “Паназиатскай” кухняттан үс көрүҥ бүлүүдэ астаан эдэр
хаһаайкаларга көрдөрдө. Дьиэ кэргэн
бизнеһын хайдах арыйан үлэлэтии кистэлэҥнэрин маастар-кылааһын эдэр ыал Алена, Владислав Ядреевтар ыыттылар.
Манна нэһилиэкпититтэн, улууспут иһиттэн урбаан эйгэтинэн дьарыктанар, саҥа саҕалаан эрэр
ыччат кэлэн сырытта. “Алгыс от” отоһут уһуйаанын семинара дьон- сэргэ
интэриэһин тарта. Дьокуускай куораттан «Алгыс от” уһуйаан кыттыылаахтара
Сахабыт сиригэр үүнэр эмтээх оттор тустарынан дириҥ ис хоһоонноох, олус
туһалаах бэсиэдэ оҥордулар, бэйэ аһытыыта (закваска) туһунан кэпсээтилэр,
килиэп мэһийэн көрдөрдүлэр, от чэй, ас-үөл дегустацията буолла. Ону таһынан,
биир дойдулаахпыт Сахая Дорос оҕолорго
аналлаах “Сүүтүк” диэн саҥа тахсыбыт кинигэтин презентациялаата, билиһиннэрдэ.
Иитэр-үөрэтэр сыаллаах, олус сэргэх семинарга элбэх дьиэ хаһаайкалара сылдьан билиилэрин
хаҥаттылар, элбэххэ үөрэннилэр. Билиҥҥи
кэмҥэ төрөөбүт күн чыыһылатынан ( дата) инники былааннары, олох суолун ырыҥалаан көрөр ирдэбил кэриэтэ буолла, ол курдук бырайыак чэрчитинэн нумеролог хоһо икки күн устата үлэлээтэ. Нумерология консультациятын Людмила Давыдова оҥордо.
Элбэх оҕолоох дьиэ кэргэҥҥэ көмө "От теплого сердца" акция биллэриллэн биирдиилээн общественнай түмсүүлэр көхтөөх кыттыыыны ылаллар, "Сканди" түмсүү Татьяна Егороваҕа, " Айар
Аартык " түмсүү Елизавета Васильеваҕа, "Ньургуһун" түмсүү Александра, Иннокентий Даниловтарга, "Сыдьаайа" түмсүү Нюрбина Охлопковаҕа көмө оҥордулар.
.jpg)
Комментариев нет:
Отправить комментарий