1. Бүгүн- Тѳрѳѳбүт Сахабыт Өрѳспүүбүлүкэтин Өрѳгѳйдѳѳх күнэ! Муус устар 27 кунэ- саха норуотун
историятыгар ураты суолталаах бэлиэ күн.
1922 сыллаахха саха норуотун чулуу уолаттара
Максим Аммосов, Былатыан Ойуунускай уо.д.а. Саха сирэ автономия буоларын
ситиспиттэрэ. Саха омуга сайдыытыгар
улахан тѳһүү күүс, бигэ тирэх буолбута. 1922
сыллаахха муус устар 22 кунугэр – Саха Автономнай Советскай Социалистическай республиката тѳрүттэммитэ, сурукка-докумуоңңа киирбитэ. Ол кэмтэн ыла саха оло5ор уларыйыы киирбитэ.
Саха Өрөспүүбүлэкэтин күнүгэр анаммыт үөрүүлээх тэрээһин баһылык В.Г.Жирков, нэһилиэк депутаттарын сэбиэтин председателэ Ю.А.Николаев истиҥ эҕэрдэлэриттэн, Өрөгөй ырыанан саҕаланна. Саха буолан сандаарар, саргыбыт салаллар, ѳрѳгѳйбүт үрдүүр дьоһун күммүтүгэр илии-илииттэн ылсыһан, тоӊолох-тоӊолохтон тутуһан, түмсэн, сомо5олоһон, биир санааланан саха бастыӊ үӊкүүтүн-оһуохайы оройуттан туттубут - Оһуокайы таһаарда Ирина Николаева. Үѳрүүлээх тэрээһин кыттыылаахтара саха тѳрүт аһынан- арыылаах алаадьынан, сылаас ис миининэн күндүлэннилэр. Салгыы орто оскуола улахан кылааһын үөрэнээччилэригэр, ыччаттарга «Мин дойдум- Саха сирэ» - интеллектуальнай оонньуу ыытылынна. Хамаандалар бэйэни билиһиннэрии, девиз, ыйытыыга эппиэт, Дьокуускай куорат пааматынньыктарын пазлынан таһаарыыга, Ытык сирдэри таайыы уонна спортивнай түһүмэххэ кытыннылар. Түмүккэ бастакы миэстэни "Эрэл" ыччат хамаандата ( лидер Скрыбыкина Е.А.), иккис миэстэни "Хомустаах Ньургуннара" хамаанда ( 8 кылаас, кыл.сал. Жиркова Т.А.), үһүс миэстэни "Десятка" хамаанда ( 9 кылаас , кыл. сал. Васильева А.Н) ыллылар. Актыыбынайдык кыттыыны ыллылар "Челси" хамаанда ( 9 кыл.сал. Соловьева А.И). Бары кыттааччылар грамотанан, минньигэс бириистэринэн наҕараадаланнылар. Бу курдук , "Дойдутун историятын билэр киһи, инникилээх" диэн сыалтан ыытыллыбыт, ыччакка анаммыт тэрээһин бэрт сэргэхтик ааста.
Комментариев нет:
Отправить комментарий