- Кулун тутар 5 күнүгэр Норуот маастарын күнүн көрсө ыытыллыбыт сахалыы таҥастаах сэлэлии хаамыыга “Иис Куо” түмсүү ( сал. Барашкова А.К.) кыттыыны ылла. Ону сэргэ, «Түмсүү” саха бала5аныгар 43 устуука сахалыы олбох тигэн бэлэх ууннулар.
- Кулун тутар 7 күнүгэр Аан дойду дьахталларын күнүн көрсө, Дойду үрдүнэн дьиэ кэргэн сылынан , «Эн мичээргэр сандал саас…» бырайыак чэрчитинэн кэргэннии дуэттар кыттыылаах э5эрдэ кэнсиэр дьон – сэргэ биһирэбилин ылла. Бу киэһээ кыттыыны ыллылар: Алексей , Екатерина Татариновтар, Виктория, Григорий Матвеевтар, Анастасия, Петр Аргуновтар, Елена, Степан Сивцевтар, Полина, Мичил Максимовтар уонна Дариана Ердашева, Анатолий Винокуров. Киэһэни иилээн- саҕалаан ыыттылар Евдокия, Юрий Николаевтар. Ыллам ырыаларын бэлэх ууннулар ырыа куттаах эр бэртэрэ, «Дохсун» эр дьон вокальнай коллектива, А.Окоемов аат. «Мичээр» ҮНА, «Күнчээн» үҥкүү коллектива.
Комментариев нет:
Отправить комментарий