Олунньу 28 күнэ –Бастакы Хомустаахха ураты, бэлиэ күн! Үүнэр-сайдар кэскиллээх, үлэни-хамнаһы өрө тутан, дьоллоох олоҕу уһансар, тапталлаах төрөөбүт түөлбэбитигэр 18 төгүлүн Нэһилиэк күнэ ыытылынна.
Бу күн «Эйгэ» модельнай библиотека5а «Нам улууһун спордун сулустара» Анатолий Михайлович Софронов кинигэтэ сүрэхтэннэ, «Алгыс» НАК- гэр СӨ О5о сылынан «Айар- тутар о5о саас» о5олор уруһуйдарынан, оҥоһуктарынан быыстапка турда, ону тэҥэ Россия5а Дьиэ кэргэн сылынан «Ытык эйгэ- дьиэ кэргэн» кинигэлэринэн быыстапка тэрилиннэ.
2023 сыл түмүгүнэн Бастыҥтан бастыҥнары бэлиэтиир үөрүүлээх чаас кэскили түстүүр, баай-байылыат олоҕу тосхойор Ытык Дуоҕаны Хомустаах 1-кы нэһилиэгин салайан, сайдар суоллары саҕар баһылыкпытыгар Василий Гаврильевич Жирковка туттарыыттан са5аланна, ону сэргэ Үлэ тэрилтэлэрин парадынан. Үөрүүлээх чааска бастыӊ үлэһиттэр, нэһилиэк сайдыытыгар дириӊ кылааттарын киллэрбит үтүө дьоммут чиэстэнэн нэһилиэк, улуус, республика махтал суруктарын, бочуот грамоталарын туттулар.
Сылын ахсын Нэһилиэкпит күнүгэр үтүө үгэс быһыытынан дьиэ кэргэттэр ааттарыттан анал стипендияны туттарыы үтүө үгэскэ кубулуйда. Ол курдук, Анна Семеновна, Павел Иванович Атласовтар ааттарынан «Норуот хаһаайыстыбатыгар үөрэнэр бастыҥ студент» анал стипендияларын тутта , М.А.Аммосов аат. ХИФУ 3 курсун устудьуона Рената Тимофеева, Евдокия Васильевна кэргэнинээн Иван Хрисанфович Кашкиннар дьиэ кэргэн, уоллара Айтал Кашкин аатынан аатынан анал стипендияны тутта Алданнаа5ы медицинскай колледж устудьуона Күннэй Винокурова, Николай Николаевич Степанов аатынан «Бастыҥ спортивнай дьиэ кэргэн» анал стипендияны туттулар Замаратскайдар дьиэ кэргэн, “Хомустаах 1-кы нэһилиэгин” муниципальнай сулууспа ветераннарын анал стипендияларын тутта олохтоох дьаьалта кылаабынай специалиһа Владислав Ушаков.
2023 сыл түмүгүнэн үөрэххэ, үлэ араас хайысхатыгар анал ааттары туттулар:
«Бастыҥ үөрэнээччи-2023» Д. Ф. Алексеев аатынан 1-Хомустаах орто оскуолатын 11 кылаас бастыҥ үөрэнээччитэ ЛЕВ ЗАБОЛОЦКИЙ.
«Бастыҥ студент-2023» М. К.Аммосов аат. Хотугулуу Илиҥҥи Федеральнай Университет естественнай наукаларын институтун 5 курсун бастыҥ устудьуона ЕВГЕНИЙ НОВГОРОДОВ.
«Бастыҥ общественнай түмсүү-2023» «ЭР СОМОҔО» нэһилиэк эр дьонун түмсүүтэ , салайааччы АЛЕКСАНДР АЛЕКСАНДРОВИЧ ЗАХАРОВ
«Бастыҥ тэрилтэ-2023» «МИЧИЙЭЭНЭ» оҕо уһуйаана, сэбиэдиссэй ЕЛЕНА МИХАЙЛОВНА ТАБУНАНОВА
«Быйаҥ - 2023» АЙДЫН АНАТОЛЬЕВИЧ АРГУНОВ салайар бааһынай хаһаайыстыбата
«Бастыҥ ааҕааччы - 2023» Д.Ф.Алексеев аат. 1-Хомустаах орто оскуолатын нуучча тылын уонна литературатын учуутала АЛЕКСАНДРА НИКОЛАЕВНА ВАСИЛЬЕВА
«Бастыҥ спортсмен - 2023» Нам улууһун хапсаҕайга чемпиона , мас тардыһыы, саха многоборьетын призера МАКСИМ СЕМЕНОВИЧ ОХЛОПКОВ
«Бастын специалист - 2023» “Сайдыы” оҕо айымньытын дьиэтин педагога ДЬУЛУСТАН ГРИГОРЬЕВИЧ СОФРОНОВ
«Сонун сүүрээн - 2023» Баһылай Манчаары аатынан национальнай спорт киинин тренерыгар, “Тарбах тардыһыы” тренажер ааптара СТАНИСЛАВ ЮРЬЕВИЧ СОЛОВЬЕВ
«Үтүө санаа-2023» «Прогресс» хааччахтаммыт эппиэтинэстээх тэрилтэ, генеральнай директор АЛЕКСЕЙ СЕМЕНОВИЧ ПИНИГИН,
«Ытык ыал-2023» педагогическай үлэ бэтэрээннэрэ ВАРВАРА КАСЬЯНОВНА, ФЕДОР ИВАНОВИЧ НОВГОРОДОВТАР.
«Аҕа сылын бастыҥа - 2023» нэһилиэк депутаттарын бэрэссэдээтэлэ, общественнай олох көхтөөх кыттыылаа5а ЮРИЙ АЛЕКСАНДРОВИЧ НИКОЛАЕВ.
Дойдубут үрдүнэн «Педагог уонна наставник» сылын түмүгүнэн, үөрэх тэрилтэлэрин бастыҥ наставниктара бэлиэтэннилэр- Захар Порфирьевич Винокуров аатынан Намнааҕы оҕо искусствотын оскуолатын 1-Хомустаахтааҕы филиалын үҥкүү салаатын учуутала ТУЯРА СВЯТОСЛАВОВНА МОХОВА, “Улыбка” 2-с нүөмэрдээх оҕону сайыннарар киин логопеда ВАРВАРА МИХАЙЛОВНА ЗАРОВНЯЕВА, «Мичийээнэ” оҕо уһуйаанын психолога АЙТАЛИНА ДМИТРИЕВНА РОЖИНА, педагогическай үлэ бэтэрээнэ НАДЕЖДА ВАСИЛЬЕВНА КОНСТАНТИНОВА, Дмитрий Федотович Алексеев аатынан 1-Хомустаах орто оскуола саха тылын уонна литературатын учуутала АЛЕНА АЛЕКСЕЕВНА ТОМСКАЯ.
Дьиэ кэргэн сыаннастарын харыстыыр, киэҥник тарҕатар сыаллаах Дойдубут президенэ В.В Путин 2024 сылы Россия үрдүнэн «Дьиэ кэргэн» сылынан биллэрбитэ. Сылы арыйар бэлиэ түгэннэ нэһилиэкпитигэр утуму удьуордаан көлүөнэнэн биир идэни баһылаан, нэһилиэк олоҕо сайдарын туһугар үлэлиир-хамсыыр, үгүс дьоҥҥо үтүө холобур буолар дьиэ кэргэттэр айыы саламатын баайан аҕа баһылыкка туттардылар. Ону сэргэ, Айыыһыт Хотун сылынан «Иис Куо» ( сал. А.К. Барашкова) иистэнньэҥнэр түмсүүлэрин Далбар Хотуттара сылаас илиилэрин имэнинэн тигэн таһаарбыт оҕо куттаах, уйгуну, быйаҥы түстүүр «Айыыһыт» паннолара сүрэхтэннэ.
СӨ О5о сылынан, Нам улууһугар, Бастакы Хомустаах нэһилиэгэр О5о спордун сылларынан кэнчээри ыччат ырыанан, үҥкүүнэн уруйдуу көрүстэ.
Эйэлээх олох туһугар сырдык тыыннарын толук уурбут, уоттаах сэрии толоонугар геройдуу охтубут биир дойдулаахтарбыт ааттара үйэлэргэ умнуллубат. Кинилэр сырдык ааттарын кэриэстээн, биир мүнүүтэлээх чуумпуруу биллэрилиннэ, ону сэргэ байыаннай дьайыыга сырдык тыына быстыбыт биир дойдулаахпыт Евгений Гаврильевич Терентьев үтүө аатын үйэтитэр сыаллаах, Евдокия Валерьевна Терентьева дьиэ кэргэнин аатыттан нэһилиэк спортсменнарыгар 35 устуука спортивнай форманы Спорт дьиэтин директорыгар бэлэх ууммута, хас биирдии киһини уйадытта. Евдокия эдьиийинээн Олеся Валерьевналыын о5о эрдэхтэриттэн спорт эйгэтигэр уһуйуллан, нэһилиэктэрин чиэһин элбэхтэ көмүскээбит, дьиҥ чахчы дойдуга бэриниилээх буолуу сыаннастарын иҥэриммит дьонунан буолаллар.
Бу курдук Нэһилиэк күнүн тэрээһинэ салгыы «Айхал эйиэхэ, төрөөбүт түөлбэбит! » нэһилиэкпит уус-уран самодеятельноһа, ырыаһыт Константин Степанов кыттыылаах эҕэрдэ кэнсиэринэн түмүктэннэ.
Комментариев нет:
Отправить комментарий