МБУ ЦНТ "Алгыс" с. Кысыл- Сыр, Намского улуса

Үлэһит, үтүө киһи сырдык аата үйэлэргэ умнуллубатын, кэлэр кэнчээри ыччакка кэпсэнэ туруохтун... Үлэ, эйэ, саас күнүн көрсө "Махтал улэһит дьонҥо" бырайыак чэрчитинэн, "Алгыс" НАК өр кэмнэргэ звукооператорынан үлэлээбит, "Кэҥкэмэ" телестудия оператора, "Чороон" ВИА бастакы профессиональнай звукорежиссера Александр Константинович Бурнашев сырдык аатыгар анаммыт "Истиҥ ырыа иэйиитэ" үлэ тэрилтэлэрин икки ардыларыгар ырыа күрэ5э ыытылынна.

Күрэх түмүгүнэн 1-Хомустаахтааҕы врачебнай амбулатория отделениятын коллектива ( сэб. Аргунова С.Э.) кыайыылаа5ынан тахсаннар Бурнашевтар халыҥ аймах олохтообут сүрүн бириэмийэлэрин (35000 солк.) туттулар. I степ. дипломунан уонна Александр Константинович бииргэ үлэлээбит коллегалара "Чороон" ВИА ( сал. СР культуратын Үтүөлээх үлэһитэ Сергучев Г.Г.) анал бириэмийэлэринэн (6000 солк.) Д.Ф.Алексеев аатынан 1-Хомустаах орто оскуолатын коллектива (дир. Атласова У.П.) на5аараадаланнылар, маны сэргэ "Лучший профсоюзный лидер" анал ааты профсоюз председателэ Дарья Дмитриевна Жиркова тутан Александр Константинович "Кэҥкэмэ" телестудияҕа бииргэ үлэлээбит коллегата СР профессиональнай үөрэхтээһинин туйгуна Розалия Николаевна Сысолятина анал бирииһинэн наҕараадаланна. II степ. дипломунан на5араадаланнылар З.П. Винокуров аатынан Намнаа5ы о5о искусствотын оскуолатын, 1-Хомустаа5ы филиалын коллектива (дир. Бережнева Т.Е.) , Александр Константинович Үөдэй орто оскуолатыгар бииргэ үөрэммит до5отторун ааттарыттан (5000 солк.) бириэмийэни тутта. III степ. дипломунан на5араадаланнылар нэһилиэк ветераннарын түмсүүтэ, "Далбардар" ырыа бөлө5ө ( сал. Ощепкова З.Е.), культура киинигэр Александр Константиновичтыын өр сылларга үлэлээбит элбэх ырыа автордара, мелодистар Валентина, Семен Тихоновтар ааттарынан дьиэ кэргэнэ олохтообут бириэмийэлэрин (5000 солк.) туттулар. 1№ "Мичийээнэ" о5о уһуйаанын коллектива ( сэб. Табунанова Е.М.) "Верность к профессии" анал ааты ылан Александр Константинович коллегалара, культура киинин ветераннара олохтообут (4000 солк.) бириэмийэлэринэн наҕараадаланна, "Хомустаах 1 -кы нэһилиэгэ" МТ олохтоох дьаһалтатын коллектива ( баһ. Жирков В.Г.) "За лучшее исполнение патриотической песни" анал ааты ыланнар культура киинин үлэһиттэрин бириэмийэлэринэн (3000 солк.), "Сайдыы" ОАДь , "Ыллык" телестудия ( дир.Винокурова А.Н.) олохтообут анал бирииһинэн на5араадаланнылар. Күрэх сыаналыыр сүбэтигэр үлэлээтилэр СССР культуратын туйгуна, СР культуратын үтүөлээх үлэһитэ, Нам улууһун культуратын Бочуоттаах үлэһитэ, "Ньургуһун" народнай хор хормейстера, "Дьүөгэлэр" вокальнай ансаамбыл салайааччыта Елена Александровна Кутукова, СР культуратын туйгуна, Нам улууһун "Туллук хаара" ырыа айааччылар түмсүүлэрин салайааччыта Андрей Терентьевич Замятин, "Алгыс" НАК хормейстера, "Татыйык" вокальнай ансаамбыл салайааччыта Марина Владимировна Охлопкова. Ырыа киэһээтинэн эҕэрдэлэрин ылба5ай ырыаларынан киэргэттилэр Саша Рязанский, Виктр Рожин, Ольга Сивцева, Радомир Лиханов, "Татыйык", "Дохсун" вокальнай ансаамбыллар, Анастасия Барашкова, Сардаана Тумусова. Кытыыыны ылбыт , үлэлэспит бука бары бар дьоммутугар , үлэни өрө туппут үлэ коллективтарыгар, салайааччыларга, үтүө санаанан салайтаран бириис олохтообут дьоммутугар тэрийээччилэр ааттарыттан истиҥ махталбытын тиэрдэбит! Кэрэни кэрэхсээн, үрдуккэ дьулуһун, үтүөнү үксэтин!