Олунньу 18 күнүгэр, А.Макарова аатынан Дьокуускайдааҕы культура уонна искусство колледжын студеннара Константин Борисов, Милена Рязанская практикаларын үлэтин оччуоттуур "ВДОХНОВЕНИЕ" диэн ааттаммыт истиҥ, иһирэх эйгэлээх кэнсиэрдэрэ сэргэхтик ааста.
Кэнсиэр бастакы чааһа инникитин хореограф идэтин ылар Константин Васильевич туруорбут үҥкүүлэринэн турда. Саҥа үҥкүүлэри көрдөрдүлэр А.Окоемов аатынан "Мичээр" ҮНА иитиллээччилэрэ, "Күндүүнэ" үҥкүү бөлөҕө, "Күнчээн " үҥкүү коллектива..
Иккис чаас Милена Романовна туруорбут нүөмэрдэринэн сахалыы тыыннаах, фольклор эйгэтигэр ананна. Кыттыыны ыллылар практика кэмигэр Миленаҕа уһуйуллан тахсыбыт нэһилиэкпит олохтоохторо, уус- уран самодеятельность. Тэрээһин саҕаланыытыгар Наталья Николаева - Тускууна Олунньу ыйдааҕы күрүө туттар алгыс сиэрин- туомун көрөөччүлэргэ, кыттааччыларга анаан толордо. "Алгыс" НАК аатыттан студеннарбытыгар ситиһиини баҕарабыт, тэбэнэттээх эдэр сааскыт өрүү маннык үөрүү аргыстаах ааһыахтын! Кыттыыны ылбыт дьоммутугар барҕа махтал буолуохтун! Олус сыаналыыбыт кыһамньыгытын, кэрэ эйгэ үтүө түһүлгэтин өрө тутаргытын!
Комментариев нет:
Отправить комментарий