СР Ийэ күнүн көрсө, алтынньы ый 16 күнүгэр "Алгыс " НАК блогер, предприниматель Евдокия Поповалыын истиҥ көрсүһүү буолан ааста. Көрсүһүүгэ нэһилиэкпит ийэлэрэ актыыбынай кыттыыны ыллылар. Евдокия билиҥҥи кэмҥэ бэйэ бизнеһын хайдах тэринии, күннээҕи бэйэ дьарыгынан эбии дохуоту киллэрии туһунан кэккэ сүбэлэри үллэһиннэ. Элбэх идеялаах, интэриэһинэй кэпсээннээх эдэр урбаанньыт көрсүһүүгэ кэлбит ийэлэргэ саҥа сүүрээни сахта.Ону тэҥэ Евдокия тэрийэн үлэлэтэр ророvtar_yutno@ маҕаһыын табаара атыыланна.
Евдокия туһунан кылгастык билиһиннэрдэххэ - кини Талыы Талба Татта улууһуттан төрүттээх. Кэргэннээх, икки оҕолоох күн күбэй ийэ буолар. Минньигэстик астыырга үөрэтэр сахалыы блогтаах, урбаанньыт. " Дружба "үҥкүү народнай ансаамбылын выпускницата. Үҥкүү кэрэ эйгэтигэр уһуйуллубута билигин киэҥ араҥаҕа тахсарыгар төһүү күүс буолар диэн сыаналыыр.
Комментариев нет:
Отправить комментарий