Бэс ыйын 18 күнүгэр Нам улууһун Хатырык нэһилиэгин сынньалаҥ пааркатыгар Россия эбэ хотуҥҥа культурнай нэһилиэстибэ, Саха Өрөспүүбүлүкэтигэр Ийэ, САССР тэриллибитэ 100, Нам улууһугар уһулуччулаах государственнай уонна политическай деятель М.К. Аммосов төрөөбүтэ 125, Хатырык нэһилиэгэ төрүттэммитэ 385- сылларыгар аналлаах "Эҥсиэлим хочото! Киэҥ тутун уолаттаргынан!" улуустааҕы Ыһыах ыытылынна. Манна биһиги нэһилиэкпититтэн делегация парадка кыттыыны ылла.
"Кэрэмэн өҥ киэргэллээх, кылаан түү кыбытыылаах саха далбар мааны таҥаһа " улуустааҕы саха таҥаһын күрэҕэр биирдиилээн нэһилиэкпит олохтоохторо ситиһиилээхтик кытыннылар. "Сайдам ыал» Нам улууһун эдэр дьиэ кэргэттэрин күрэҕэр Мария, Дмитрий Аргуновтар дьиэ кэргэн олус үчүгэйдик кыттыыны ыланнар, иккис бириистээх миэстэнэн наҕараадаланнылар. «Уруйдан самаан сайын» Нам улууһун уус-уран самодеятельноһын кыттыылаах кэнсиэригэр Саша Рязанскай кыттыыны ылла.
Ыһыах үөрүүлээх чааһыгар нэһилиэкпит олохтоохторо , ытык- мааны ыаллара Ирина Николаевна, Михаил Иванович Рожиннар ыал буолан олорбуттара 50 сылынан, Кыһыл көмүс сыбаайбаларынан "Нам улууһа" МТ баһылыга Слепцов Ю.И. уонна нэһилиэкпит олохтоох дьаһалтатын аатыттан эҕэрдэ сурук, 50 тыһ.солк. харчынан бириэмийэ сертификатын туттулар.
Бу курдук кэккэ ситиһиилэрдээх,үөрүү үктэллээх Ыһыах ааста. Махталбытын биллэрэбит бары кыттыыны ылбыт нэһилиэкпит дьонугар, чуолаан эдэр дьиэ кэргэн күрэҕин кыттыылаахтара Аргуновтар дьиэ кэргэнҥэ күүс- көмө, тирэх буолбут нэһилиэкпит эдэр ыччатыгар.
Комментариев нет:
Отправить комментарий