Бэс ыйын 16 күнүгэр Нам селотун «Эҥсиэли» сынньалаҥ пааркатыгар Саха АССР тэриллибитэ 100, уһулуччулаах судаарыстыбыннай уонна политическай деятель М.К. Аммосов төрөөбүтэ 125, олоҥхоһут Е.Г. Охлопков-Буоратай төрөөбүтэ 125, сахалартан бастакы самодеятельнай композитор З.П. Винокуров төрөөбүтэ 100 сылларыгар аналлаах уйгу тунах Ыһыахха Бастакы Хомустаахтан культурнай тэрээһиннэргэ, күрэхтэргэ ситиһиилээхтик кытынныбыт. Ол курдук, Ыһыах үөрүүлээх арыллыытыгар А.Окоемов аатынан "Мичээр " ҮНА," Күнчээн" үҥкүү коллектива кыттыыны ыллылар. «Мичээр» оҕо үҥкүү народнай коллектива , А.Дьяконова, А. Емельянов , П.Попов кыттыылаах Москва куоракка көрдөрүллэр эҕэрдэ түһүлгэтин кэнсиэрэ ыытылынна.
Чабырҕах күрэҕэр бөлөҕүнэн толорууга " Бэртээхэй" бөлөх 2 миэстэни (сал Е.Руфова), тойукка биирдиилээн толорууга Ирина Николаева 1 миэстэни, Наталья Николаева 3 миэстэни ыллылар. Ыччакка тойук күрэҕэр Уйгулаана Новгородова 2 миэстэ, олоҥхо толорууга 35- үөһээ саастаахтарга Елена Руфова 2 миэстэ буоллулар. "Истиҥ иэйии ситимэ" ийэ кыыһынаан күрэҕэр Ирина Николаева кыыһынаан Сандааралыын кыттыыны ыланнар 3 бочуоттаах миэстэни туттулар.
Комментариев нет:
Отправить комментарий