«Ийэ буолуу - үрдүк дьол» конкурс

 Бастакы Хомустаахха Күөх Маайынан « Махтал үлэһит дьонҥо» бырайыак чэрчитинэн, СР  Ийэ сылынан «Ийэ буолуу -үрдүк дьол» конкурс олус сэргэхтик, тэрээһиннээхтик ыытылынна. 

Үлэ тэрилтэлэриттэн  Күн күбэй ийэлэр хамаандалара биир түһүлгэҕэ мустан көрөөччүлэргэ сэргэх киэһэни бэлэхтээтилэр. Ол курдук,  «Оҕо искусствотын оскуолатыттан» Октябрина Яковлева, Сардаана Татаринова, Юлия Иванова, «Мичийээнэ»оҕо уһуйаанын коллективыттан Айталина Николаева, Екатерина Ядреева, Александра Ядреева, Улыбка оҕо уһуйаанын коллективыттан Нюргуяна Баишева, Варвара Заровняева, Сардаана Кривошапкина, Д. Ф.Алексеев аатынан орто оскуола коллективыттан Вера Захарова, Татьяна Жиркова, Сияна Слепцова кыттыыны ыллылар. Бу киэһээ  хамаанда билиһиннэриититтэн саҕалаатылар, айар дьоҕурдарын, талба талааннарын көрдөрдүлэр. СР "Ийэ сылынан" , Саха Автономиятын 100 сылынан "Эйгэ"  модельнай библиотека бэлэмнээбит  боппуруостарыгар хоруйдаатылар. Бэлэмнээн, буһаран аҕалбыт минньигэс бүлүүдэлэрин, дьэрэкээн  оҥоһуктарын аукционҥа көрөөччүлэргэ атыыга таһаардылар. Киирбит үп ППМИ программатын өйүүргэ туһаайылынна, счетнай комиссия чилиэнэ, нэһилиэк депутата Лидия Васильевна Алексеева үлэлэстэ. Нэһилиэкпитигэр ППМИ программанан саҥа МТЗ трактор кэлэригэр  күндү ийэлэрбит  күүстээх көмөнү оҥордулар, ол курдук аукционтан 12300 солк.киирдэ.Бүтэһик түһүмэххэ кыттааччылар үлэ форматын көстүүмнэринэн дефиле көрдөрдүлэр.  Сыаналыыр сүбэҕэ үлэлээтилэр" Эр сомоҕо"  түмсүү председателэ Захаров  А.А., Женсовет түмсүүтүн чилиэнэ Трофимова А.В., олохтоох дьаһалта специалиһа Оконешникова В.А. Күрэх кыттааччылара спонсордар - " Эр сомоҕо " түмсүү , женсовет түмсүүтэ, олохтоох дьаһалта анал бириистэрин туттулар, маны сэргэ күрэх партнера Дьокуускай  куораттан блогер, асчыт, "Popovtar_Уютно"  маҕаһыын хаһаайката Евдокия Попова "Минньигэс ас" кинигэтэ күндү  бэлэх буолла. Түмүккэ  бары өтүнэн чаҕылхайдык кыттыыны ылан кыайыылааҕынан таҕыстылар «Мичийээнэ» оҕо уһуйаанын коллективын хамаандата уонна тэрийээччилэр ааттарыттан сүрүн бирииһи туттулар. Киэһээни иилээн-саҕалаан ыытта Михаил Макаров, үҥкүүнэн -ырыанан киэргэттилэр "Күнчээн"үҥкүү бөлөҕө, А. Н. Окоемов аатынан" Мичээр" үҥкүү народнай ансаамбыл, Надежда Васильева, Иван Тумусов, Григорий Матвеев, Сандаара,Сахаайа Николаевалар, орто оскуола 3 кылааһын кэрэчээн кыргыттара. Бары  күүс - көмө, өйөбүл, тирэх буолбут дьоммутугар- спонсордарбытыгар, кыттааччыларбытыгар, көрөөччүлэрбитигэр "Алгыс" НАК аатыттан махталбытын биллэрэбит! 

Ийэ буолуу -үрдүк дьол! Күннэтэ ол дьолтон сырдыы, сыдьаайа сылдьыҥ күндү Ийэлэрбит!