Бастакы Хомустаах нэһилиэгэр Кыһыны атаарыы тэрээһин тымныы тыалы аахсыбакка олус көхтөөхтүк ыытылынна. Үөрүүлээх чаас нэһилиэк баһылыга Жирков В.Г. эҕэрдэ тылынан саҕаланна, маны сэргэ бу кун Норуот көҕүлээһинин өйүүр программа чэрчитинэн (ППМИ) счетнай хамыыһыйа үлэтин саҕалаата. Нэһилиэккэ сана МТЗ трактор ылылларын туһугар аан бастакы үп тэрилтэлэртэн киирдэ. Бүтүн Россия үрдүнэн муус устар 7 күнэ доруобуйа күнэ. Бу хамсааһын чэрчитинэн «Сканди» бөлөх сал. (Барашкова А.К) флеш- моб үҥкүүнэн нэһилиэк олохтоохторун эҕэрдэлээтэ. Түөлбэлэринэн араас курэхтэр тэриллэннэр дьон кыттыыта, кэлээһинэ актыыбынай. Ол курдук түөлбэнэн остуол киэргэтиитэ, канат тардыһыы , көрдөөх эстафета, былаат күрэҕэ элбэх кыттааччыны түмэ тарта.
Остуол киэргэтиитигэр 1 -кы миэстэни "Чагда" түөлбэ, 2 - с миэстэни "Дьулуур" түөлбэ, 3- с миэстэни "Кустук" түөлбэ ыллылар. Канат тардыһыы күрэҕэр "Үрдэл" түөлбэ инники күөҥҥэ таҕыста, кинини баттаһа "Саһарҕа" түөлбэ эр дьоно , онтон "Дьулуур" түөлбэ хамаандата. Нуучча былаата бэйэ бэйэтигэр баайыллан төһө уһунҥа тиийэрин күрэҕэр түөлбэ кэрэ аҥардара бары кэриэтэ туруннулар. Түмүккэ 1 -кы миэстэни "Кустук" түөлбэ, иккиһи "Чагда" түөлбэ, үсүһү "Саһарҕа" түөлбэ үллэһиннилэр.
Саамай эриирдээх,бадараан үрдүтүнэн сүүрүүлээх көрдөөх эстафета күрэҕэ түөлбэттэн алталыы киһини хомуйа тарта. Манна биэс көрүҥ түмүгүнэн кыайыылааҕынан таҕыстылар "Саһарҕа" түөлбэ, иккис «Үрдэл» түөлбэ, үһүс «Чагда» түөлбэ. Уопсай түмүккэ бастакы бириистээх миэстэни ылла "Үрдэл" түөлбэ ( сал. Лиханов Р.А.), иккис миэстэни "Чагда" түөлбэ ( сал. Барашкова А.К.), үһүс миэстэни ылла "Саһарҕа" түөлбэ (сал. Степанова З.И.).
Эриэккэстик Блины астааһынын күрэҕэр уопсайа сэттэ хаһаайка кыттыыны ыллылар. Сыаналыыр сүбэ быһаарыытынан Мария Рожина бастакы миэстэни ылан бирииһинэн наҕараадаланна, иккискэ Татьяна Рожина,үһүс миэстэҕэ Пелагея Винокурова таҕыстылар.
Хаатыҥканы ыраах быраҕыы күрэҕэр 20- чэ киһи кытынна, манна бастакы миэстэҕэ кэрэ аҥардартан таҕыста Алена Лиханова, эр дьонҥо Евгений Терентьев, оҕолорго Равиль Николаев. Оҕолорго анаан "Мичийээнэ", " Улыбка" уһуйаан иитээччилэрэ, "Сайдыы" ОАДь педагогтара оонньуулары ыыттылар. Кыһыны атаарыы үөрүүлээх тэрээһинэ "Алгыс" НАК-р эстрада театрын артыыһа, ырыаһыт Эрхаан тапталынан угуттаммыт айар кэнсиэринэн түмүктэннэ.
Бу курдук ыытыллыбыт тэрээһиҥҥэ бары кыттыбыт дьоммутугар, чуолаан түөлбэ салайааччыларыгар, Женсовет түмсүүтүгэр (сал. Соловьева Т.Н.), "Мичийээнэ"," Улыбка" оҕо уһуйааннарыгар," Сайдыы" ОАДь, ветеран сэбиэтигэр (сал. Ощепкова З.Е), "Илгэ Хотун" коллективка (сал. Сивцева О.В), олохтоох дьаһалтаҕа дириҥ махталбытын, истиҥ иһирэх тапталбытын тиэрдэбит.
Комментариев нет:
Отправить комментарий