Кэрэ эйгэ сонуннара

  Кэрэ эйгэ  ситиһии кынаттаах тэттик сонуннара

• Кулун тутар 25 күнүгэр Дойду үрдүнэн  бэлиэтэнэр культура үлэһиттэрин күнүн улуус культуратын үлэһиттэрэ бары түмсэн "Фортуна" банкетнай саала5а бэлиэтээтибит. Тэрээһини улуустаа5ы культура эйгэтин үлэһиттэрин профсоюзнай комитета  ыытта. Сыл түмүгүнэн бастыҥ көрдөрүүлээх үлэһиттэр на5араадаланнылар, ону сэргэ  үгэскэ кубулуйбут анал ааттары туттарыы үөрүүлээх быһыыга- майгыга  ыытылынна. Биһиги коллективпытыттан "Саха Республикатын культура туйгуна" бэлиэнэн  А.Окоемов аатынан "Мичээр"  үҥкүү народнай ансаамбыл хореографа Эдуара Ивановна Сергеева на5араадаланна, " Лучший профлидер" анал ааты өр  кэмҥэ үтүө суобастаахтык үлэлиир Екатерина Васильевна Борисова тутта. Тэрилтэлэр икки ардыларыгар ыытыллыбыт визитка, "Сиидэс баалын" күрэҕэр кытынныбыт. Сиидэс баалыгар Елена Руфова кыттан иккис миэстэни ылла. 

 

   

•  Кулун тутар 27  күнүгэр улуустаа5ы "А5а күрэ5э" үөрүүлээх арыллыыта, кыайыылаахтары бэлиэтээһин "Алгыс" НАК ыытылынна. Сарсыардаттан тыа сирин үлэни өрө туппут үлэһит дьонун сылаас алаадьынан, итии чэйинэн көрүстүбүт. Сыана5а  улууспут  нэһилиэктэриттэн кыттыыны  ыла кэлбит хамаандалар бэйэни билиһиннэриилэрэ дьүүллүүр сүбэ иннигэр ыытылынна. Бэйэни билиһиннэрии  түһүмэ5эр  Винокуровтар дьиэ кэргэн кыайыылаа5ынан та5ыстылар. Онтон салгыы биэс түһүмэхтээх  тыҥааһыннаах киирсии түмүгүнэн күрэх кыайыылаахтара буоланнар улуус чиэһин көмүскүү Чурапчы улууһугар  республиканскай күрэххэ  кыттыахтара.  

•    Көр-күлүү күнүн көрсө кулун тутар 29 күнэ «Мэскэйдэр до5отторунаан» айар киэһээ саала5а толору көрөөччүнү түмэ тарта. Манна Модуттан, Көбөкөнтөн, Үөдэйтэн, Партизантан, Түбэттэн, Арбынтан культура дьиэтин иһинэн тэриллэн үлэлиир  көр- күлүү бөлөхтөрө бэйэлэрэ туруорбут көрдөөх сыанкаларын, миниатюраларын бэлэх ууннулар. Сэргэх киэһээ үөрүүлээх чааһыгар уус - уран самодеятельность актыыбынай кыттыылаа5а, «Мэскэйдэр» көр- күлүү бөлөҕүн   бэриниилээх артыыһа Виктория Егоровна Матвеева "За вклад народно художественного творчества РС (Я ) " бэлиэнэн на5араадаланна. «Мэскэйдэр» бөлөх ( сал. Руфова Е.И)  Мэҥэ -Хаҥаласка  Аркадий Новиков аатынан «Көөчөөн Көрө» мини театр ыытар «Сааскы сирэйдэр" 14 республикатаа5ы фестивальга кыттаннар, Сардаана Коврова "Бастыҥ дьахтар оруола" анал ааты ылла.

• Кулун  тутар 30 күнүгэр Фрунзе нэһилиэгин культура киинин  уус -уран салайааччыта, мелодист, тойуксут, дьиэрэтии ырыаларын автора, "Нам кылыһах" түмсүү салайааччыта Мария   Григорьева- Маайа  "Ийэ кутум- иэйэр кутум" айар киэһэтигэр   "  Татыйык" вокальнай коллектив (сал. Охлопкова М.В) кыттыыны ыллылар.  "Нам ВИА" доҕуһуолугар, Маайа мелодиятыгар "Киһи кэрэ бэйэтинэн"ырыаны сүрэхтээтилэр. 

• "Күнчээн" үҥкүү бөлөҕө (сал.Мохова Т.С ) Маайа мелодиятыгар, А. Софронов - Онтуон суруйуутугар "Кыталыктар" үҥкүүнү толордулар. 

• Кэрэ аҥардарга анаммыт аһаҕас, республикатааҕы "Күн Чөмчүүк -2022" үҥкүү күрэҕэр А.Окоемов  аат. "Мичээр " ҮНА ( сал. Филиппова Т.Ф) ыччат бөлөҕө "Сардаана" үҥкүүнэн кыттыыны ылан 1 Үрдэл дипломунан, бирииһинэн наҕараадаланна. 

•  «Хоровод дружбы» республикатааҕы оҕо  фестивала "MUUS uSTAR" ыччат фестивалын  чэрчитинэн ыытылынна. Манна ансаамбыл иитиллээччилэрэ  "Айанньыт" үҥкүүнэн кыттаннар Гран-при үрдүк аатын ыллылар.