Көр-күлүү, дьээбэ күнүнэн!

•  Күн бэҕэһээ, кулун тутар 31 күнүгэр, Майаҕа 14-с төгүлүн ыытыллыбыт А.Новиков аатынан өрөспүүбүлүкэтээҕи "Сааскы сирэйдэр" көр-күлүү бэстибээлигэр "Мэскэйдэр" бөлөх кыттан кэллибит. Күрэҕи "Көөчөөн көрө" театр, Ходулов аатынан Култуура киинэ салайан ыытта. Республикабыт араас улуустарыттан бастакы түһүмэҕи ааспыт 20 көр-күлүү бөлөҕө кэлэн күөн көрүстэ. Биһиги бөлөхпүт "Люксандра", "Сатамматах айан" уонна В.Матвеева тол.монолог нүөмэрдэрин көрдөрдүбүт. 
• 
  
•   Уопсайа 14 улуустан 20 бөлөх, 114 киһи кытынна. Биллиилээх комик, көр-күлүү маастара А.Новиков аатын үйэтитэллэрэ хайҕабыллаах. 
•   Биһиги бөлөх састаабыгар быйыл Татьяна Соловьева, Виктория Матвеева, Александр Захаров, Екатерина Ядреева, Сардаана Коврова уонна мин салайааччы Елена Руфова буолан баран кэллибит. Дьүүллүүр сүбэ олус үчүгэйдик хас биирдии нүөмэри ырытан сүбэ-ама биэрдэ, маастар-кылаас ыытта. Ону таһынан анал выставка турбут, итии чэйдээх кафе үлэлээтэ, хас биирдии бөлөҕү сылаастык- сымнаҕастык көрсүбүттэрэ санаабытын көтөхтө.
•    Түмүккэ, биһиги бөлөхпүт "Сэттэ сирэй" номинация, Сардаана Коврова "Бастыҥ дьахтар оруола" үрдүк аатын сүгэн анал бирииһинэн наҕараадаланна. Бу үрдүк ааты ылбыппыт сургэбитин көтөхтө, санаабытын кынаттаата, инники үлэбитигэр айар кыахтары биэрдэ.
•     Салайааччы быһыытынан, бэйэм бөлөҕүм дьонугар, бу  улахан күрэххэ бэйэлэрин кыахтарынан баран кыттан кэлбиттэригэр махталбын тиэрдэбин. Уонна чуолаан, сылын аайы "Сааскы сирэйдэр" бэстибээлгэ барарбытыгар өйөөн-өйдөөн транспорынан көмөлөһөр нэһилиэк баһылыгар Жирков В.Г.,  "Алгыс" НАК директорыгар Новгородова А.Н., бэйэм коллективпар барҕа махталбын тиэрдэбин. Өссө төгүл барыгытын  Көр-күлүү күнүнэн эҕэрдэлиибит!