Чаҕылхай ситиһии!

 

Россия үрдүнэн бэлиэтэнэр Культура үлэһиттэрин күнүн көрсө ыытыллыбыт «Путь к успеху» улуустааҕы культура үлэһиттэрин икки ардыларыгар күрэх  үрдүк таһымнаахтык ааста.  Тэрийээччилэринэн буолаллар А. Шестаков аат. Норуот айымньытын дьиэтэ. Күрэх быйыл иккис сылын ыытылынна. Биһиги нэһилиэкпититтэн бу күрэххэ кыттыыны ыллылар «Алгыс» НАК иһинэн үлэлиир А.Окоемов аат. «Мичээр» ҮНА ансаамбылын хореографа Эдуара Сергеева, Оҕо искусствотын оскуолатын фольклор кылааһын преподавателэ Урсун Винокуров. Тоҕус кыттааччылаах, биэс түһүмэхтээх күрэх түмүгүнэн кыайыылааҕынан ааттанна Эдуара Сергеева! Маны тэҥэ  коллектив «Лучшая группа поддержки конкурсанта» анал аат ылан бирииһинэн наҕараадаланныбыт. Нэһилиэкпит чиэһин чаҕылхайдык көмүскээбит культура эйгэтин специалистарыгар Урсун Николаевичка, Эдуара Ивановнаҕа  өссө үрдүк ситиһиилэри баҕарабыт!