Сылгыһыт күнүнэн!

 

Кыһыҥҥы бытарҕан тымныыга, сайыҥҥы өҥүрүк куйааска аһаҕас халлаан анныгар сылдьан, сыспай сиэллээҕи тэнитэр туһугар сыралаһар нэһилиэкпит  сылгыһыттарын, Сылгыһыт күнүнэн итиитик-истиҥник эҕэрдэлиибит. Ситиһиилээх үлэни, чэгиэн-чэбдик доруобуйаны баҕарабыт! Ааспыт нэдиэлэҕэ улуустааҕы Сылгыһыт күрэҕэр  биһиги нэһилиэкпит хамаандата- бастакы этапка  Соловьев Л.Н., иккис этапка  Николаев А.В., үһүс этапка Соловьев А.Н.,төрдүс этапка  Дьячковский Е.И. сүүрдэннэр     бастакы миэстэҕэ тахсан   улахан үөрүүнү аҕалбыттара.  Бүгүнҥү күнҥэ Нам улууһун аатыттан Күөх Ньурба улууһугар республикатааҕы курэххэ кытта сылдьаллар. Кыайыыны, дьулууру !