Бастакы Хомустаахха Ороһооспону үҥкүүлээн көрүстүлэр

А. Н. Окоемов аатынан "Мичээр" үҥкүү народнай коллектив бырайыагынан сылын аайы ыытыллар "Ороһооспо тэтиминэн" үҥкүү күрэҕэ быйылгы сылга нэһилиэкпит тэрилтэлэрин икки ардыгар дуэтнай үҥкүү толорууга ананна. Ол курдук, "Алгыс" норуот айымньытын киинин аатыттан директор Александра Николаевна Новгородова, тех үлэһит Александр Александрович Захаров, Д.Ф.Алексеев аатынан орто оскуолаттан  директоры үөрэх чааһыгар солбуйааччы Татьяна Петровна Стручкова, технология учуутала Иван Иванович Васильев, "Мичийээнэ" оҕо уһуйааныттан сэбиэдиссэй Елена Михайловна Табунанова, воспитатель Александра Валентиновна Ядреева, НКТЭ аатыттан Полина Васильевна, Леонид Петрович Винокуровтар, Оҕо искусствотын оскуолатыттан Октябрина Валерьевна Яковлева, Сардана Эдуардовна Татаринова кыттыыны ыллылар, Аан дойду араас омуктарын дьэрэкээн үҥкүүлэрин көрдөрөн, көрөөччүлэр үрдүк биһирэбиллэрин ыллылар.

Күрэҕи сыаналаатылар: Михаил Алексеевич Макаров - Бөтүҥ нэһилиэгиттэн С.П. Оконешников аатынан "Айылгы" культурнай киин директора, Нюргуяна Руслановна Сысолятина - Партизан нэһилиэгин "Хомус" фольклор дьиэтин методиһа, Анастасия Николаевна Аргунова "Мичээр" ансаамбыл бастакы выпускницата.

Күрэх үс түһүмэҕинэн ыытылынна:

1. Саҥа Дьылынан тэрилтэ видео эҕэрдэтэ

2. Араас омук үҥкүүтэ

3. Киэһээҥҥи кэрэ көстүү

Сыаналыыр сүбэ быһаарыытынан муҥутуур кыайыылааҕынан Д.Ф. Алексеев аатынан орто оскуола коллектива ааттанна

Киэһэни ырыанан киэргэттилэр Ольга Сивцева, Татьяна Егорова, Родион Охлопков, Анастасия Избекова, Петр Аргунов, Урсун Винокуров, Ольга, Василий Прокопьевтар, "Татыйык" вокальнай бөлөх, ону тэҥэ А. Н. Окоемов аатынан "Мичээр" народнай үҥкүү ансаамбылын бөлөхтөрө. 

Бу курдук саалаҕа көрөөччү толору мустан үҥкүү үктэллээх алыптаах киэһэни  көрөн астынан тарҕастылар.

Эргэ Саҥа дьыл үүнэр киэһэтигэр көрөөччүлэри эмиэ сэргэх кэнсиэр күүтэр.Ол курдук ыалдыттыахтара "Суорат" айар бөлөх уолаттара. Онтон тохсунньу  14 күнүгэр түөлбэлэр икки ардыларыгар эрдэ биллэриллибит "Арай биирдэ дэриэбинэҕэ" тэттик көрдөөх видео уһулааһыныгар күрэх  инстаграм ситимигэр тахсыаҕа. Бу курдук саҥа кэлбит сыл үөрүүнү үксэттин, олоҕу уһатар көр-күлүү үксээтин!