Бастакы Хомустаахха "Сээркээн Сэһэн Саҥа дьыллааҕы сэһэнэ" алыптаах остуоруйаттан саҥа сыл саҕаланна

 Бастакы Хомустаахха "Сээркээн Сэһэн Саҥа дьыллааҕы сэһэнэ" алыптаах остуоруйаттан саҥа сыл саҕаланна

Бастакы Хомустаах нэһилиэгэр саҥа дьыл бырааһынньыктарын тэрээһиннэрэ былаан быһыытынан көхтөөхтүк ыытылла тураллар. Ол курдук, ахсынньы 31 күнүгэр көрөөччүлэр үҥкүү тэтимнээх " Сээркээн Сэһэн саҥа дьыллааҕы сэһэнэ" остуоруйаны сэргии көрбүттэрэ.

Кылаабынай оруолларга Надежда  Прокопьева, Урсун Винокуров, Айсен Ядреев, Иван Гореев оонньоон көрөөччү биһирэбилин  ыллылар, А.Окоемов аат.«Мичээр», «Күнчээн»  ансаамбыллар үҥкүүнэн  киэргэттилэр. Онтон саҥа сыл бастакы күнүгэр аныгы кэм сиэринэн араас уотунан күлүмүрдээн тупсаҕайдыы киэргэммит кулууп дьиэтэ көрөөччүлэрин «Күөх уот»киэһэтигэр түмтэ.Бу  киэһээ ааспыт кэм ырыалара, үҥкүүтэ кэлбит ыалдьыттары үөрэ көрүстэ. Саҥа дьыллааҕы күөх уот киин телевидениеҕа ыытыллар «Күөх Уот»ыытыллыбыта 60 сылыгар ананна. Кыттыыны ыллылар уус -уран самодеятельность актыбыыстара уонна бу киэһээ дьиэ кэргэттэр дуэттара сүрэхтэннэ. Ол курдук  Зоя, Михаил Барашковтар, Оля, Василий Прокопьевтар, Айталина, Виктор Рожиннар, Сардаана, Вячеслав Ковровтар, Алена, Радомир Лихановтар, Сардаана, Иван Тумусовтар ылбаҕай ырыаны бэлэх уунан ытыс дохсун тыаһын ыллылар. Быйылгы тэрээһиннэргэ ыччат кыттыыта көхтөөх. Культура колледжын выпускницата,эдэр специалист Сардаана  Березкина туруорбут "Хотугу  үҥкүүтэ", терапевт быраас идэлээх Ньургун Иванов авторскай "Күн" сыанката көрөөччү кутун туттулар. 

Саҥа дьыл үүммүт түүнүгэр бырааһынньыктааҕыСалют ыччат скверыгар үгүс үөрүүнү бэлэхтээтэ. 

Тохсунньу 6 күнүгэр, "Алгыс"НАК үгэс быһыытынан тохсус төгүлүн ыытыллар "Ороһооспо тэтиминэн" үҥкүү күрэҕэр көрөөччүлэрин күүтэр. Бу курдук культура киинин үлэһиттэрэ бииртэн биир тэрээһини интэриэһинэйдик, тупсаҕайдык оҥорбут, ыыппыт киһи диэн ыра санаалаах үлэҕэ умса түһэллэр. Кулууп дьиэтэ хойукка диэри сандаарар уоттара күлүмнүү умайар, тэрээһинҥэ бэлэмнэнии салҕанан барар.