Ыам ыйын күүтүүлээх күнэ, саха урааҥхай күөххэ үктэнэр кэминэн-Ньукуолун күнүнэн!🌿🌿🌿
Аам-даам тымныылаах аҕыс ыйы ааһаммыт, томороон тостор дьыбардаах тоҕус ыйы туорааммыт, үүнэр күөххэ үктэнэр үөрүүлээх кэммит тиийэн кэлбитинэн- Ньукуолун күнүнэн уонна Өрөспүүбүлүкэбит үрдүнэн бигэргэммит Сайылык күнүнэн итии-истиҥ эҕэрдэ!👏👏👏
Халыҥ хаар халбарыйан, тоҥ муус көтөҕүллэн, самаан сайыммыт тиийэн кэллэ🌞🌞🌞🦋. Кэҕэ этэр, мутукча көҕөрөр, ньургуһун тыллар, күөх от бытыгырыы үүнэр🌱, күөрэгэй дьырылас ырыата – күөх сайыммыт кэлбитин бэлиэтэ.Үрдүк Айыылар сиргэ чугаһыыр, араҥаччылыыр күннэригэр анаан саха дьоно сиэр-туом толорор үтүө үгэстээхтэр. Ыам ыйа-Иэйиэхсит Айыы Хотун ыйа🌾 Өбүгэлэрбит айылҕаҕа тахсан Аан Алахчын хотуну алҕаан-ытыктаан туом оҥороллоро, ытык маска салама ыйыыллара.
☀️☀️Ыам ыйын 22 күнэ-сахаларга олус улахан суолталаах күн, арчы түһэр кэмэ. Бу күн Дьөьүөлдьүт, Айыы түһүлгэтин Бахсыта Наталия Николаева-Тускууна ыытар Араан Арчы Хотун сырдыгы түһэрэр, күөххэ үктэнэр, иччилэргэ хайыһар итэҕэл туомугар бука барыгытын кыттыһаргытыгар ыҥырабыт!😄☺️✊ Сиэр-туом ыам ыйын 22 күнүгэр күнүс 11чаастан «Алгыс» НАК инстаграм сирэйигэр быһа эфиргэ буолуоҕа.
Айылҕаҕа сүгүрүйүү, өйү-санааны күүһүрдүү-үүннэрии, күөх олохпут түөрэҕэ түһэр ытык сиэрин-туомун көтүтүмэҥ, ыраастанан-арчыланан самаан сайыны үөрэ-көтө көрсүҥ!
Комментариев нет:
Отправить комментарий